SUKI GUI 14:17 - Cho Bible Common Language 2016

¹⁷ Ani cu mang-ei pawi ah hnüüp chih pum ung cun ah phäh ah kyap ci. A hnüüp chih hnüüp ung, akchu naw naksou na aih khäta, thuzi ah mawng cu m’thein ci. Cun kawn ah akchu naw Philistin gui am m’thein gui ci.

SUKI GUI 14:17 Referans Kwoze

SUKI GUI 16:16

Ani naw ak hnüüp tä acun ah ng’shi laih laih ci. Cun ah hnumi naw ngnaksou na aih sei ani cu yaica lawk neta akhnu ah akcang cu m’thein ci.

LUKA 11:8

Im mah naw ka teihpüi ah kyak ci, cine let law ba ne m’htut kä hang pe ba khai. Cun ung phi ani cu kä lü ng’aa ne ang yawih laih laih ah a kyak ung im mah naw let law ba ne m’htut cu hang pe ba ling khai.

NG'THU K'THUUK~ 7:21

Ani naw aktü phlawh nak awn tüihtok khäta, pami cu ng’awi sei ng’thu ciah hnumi ung lut ci.

JOB 2:9

Akchu naw pyen nak ci, “Nang cu ayan ä kaa ah mäih ah na bekhüt ci, a i ah kyasei Khanpughi kä tam plah ne kä na sih ang?”

SUKI GUI 16:13

Delilah naw Samson am, “Nang naw kei cu ak gu ah na na pyang ci nei, akcang kä na na m’thein ci. Na m’thein ä, a i hawk cha ah chang naw ning khit hning khai ang? cik ci. Ani naw, “Nang naw na tah ung ka lusam ma chih cu la ne tah awn na tah shi ah a kyak ung, chang a hei gui ah mäih ah ka tha ken khai ne” cik ci.

SUKI GUI 16:6

Cun ah kyasei Delilah naw Samson am, “Na bä ni, nam thein ä, a in aw ang shin hlawk ah a ning k’thamah sak. A vaisü ah chang naw pha ne a ning khih hlüng ung am gein ka ah a ning ci hlü ung, a i hawk cha ah bik khai gui ang?” cine ng’shik ci.

ATÜNNAK 3:6

Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

SUKI GUI 14:16

Cun ah kyasei Samson ah akchu cu ang phlitui awn a om nak ah law neta, “Nang cu kei kä na na m’hni ci nei! Na na gen ci nei! Nang naw ka teihpüi gui am thuzi ng’shi gui neta, cun a i ang, cicu kei am kä na na m’thein ci! cik ci. Ani naw, “Teng ä kanu la kapa hngaw am kä ka m’thein goi ci, nang am a i ah ka ning m’thein vai ang?

SUKI GUI 14:18

Cun ah kyasei ak hnüüp chih hnüüp, Samson kyong ah kä ah luh bap ha ung, mang gaw ung chang gui naw ani am, “Khoi lutui ah ta tui tu ba ci a i om khai ang? Phongkawng ah ta gai tu ba ci a i ang?” ciah pyen nak ci gui. Samson naw, “Kei ah ka seipat am kä nami bi thon vai sü ung, Tuhbäi m’hlan ne kä nami hmat khai sü te” cik ci.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

MIKHAH 7:5

Na teihpüi na paw chang phi kä na yum vai. Na chu phi geing na ne na ng’thu püi vai.