SUKI GUI 14:15 - Cho Bible Common Language 2016

¹⁵ Ak phli hnüüp ung ngami naw Samson ah chu am ami pyen nak cu, “Thuzi ah mawng cu ana m’thein gui vai ah na cei cu theileh na ä.” Cun ah kä na bi ung na pa ah im mei awn m’khih ne, namät phi kami ning m’khih khai nei. Nangmi naw keimi nami na khü gui cu, nami na gutep gui vai ah kä kya ne ang?

SUKI GUI 14:15 Referans Kwoze

SUKI GUI 16:5

Philistin ghangpughang hma gui cu, cun ah hnumi ah law u neta, “Samson cu theileh ne na ng’shi vai, ani a i ah kya ne ak thamah aih, keimi naw a i cha ah kami m’khüt khai, a i cha ah khit ne, am gein ka ah kyak khai ah kami ci thei khai, cun na hmat ung chang tumat naw ngui pit phia gha lei ät ci, kami ning pek khai” cik ci gui.

SUKI GUI 15:6

Philistin gui naw, a u naw shin ah abi cu ng’shi gui u neta, Samson naw a ciah hmat ci gui, a i ah kyasei ci ung, Timnah ah ka Samson ah kawi naw, Samson ah akchu cu, Samson ah a teihpui am a pek ah hmawk ah kyak ci. Cun ah kyasei Philistin gui naw cun ah hnumi m’khih u ne apa ah im phi m’khih ci gui.

MIKHAH 7:5

Na teihpüi na paw chang phi kä na yum vai. Na chu phi geing na ne na ng’thu püi vai.

NG'THU K'THUUK~ 6:26

Chang tumat naw hlawhlaang ciah hnumi cu m’htut pum ät ah phu awn gah khai. Cun ung phi pawmyau ciah hnumi naw a khawh avan pyi pek khai.

NG'THU K'THUUK~ 5:3

Chang ahei ah chu ah am nei cu khoitui ah mäih ah tui khai. Ang ui cu oliv-situi ah mäih ah hnip khai.

NG'THU K'THUUK~ 1:11

Avaisü ah ngami naw, “law ä, chang shui ne mi ngawn kaw! Changni cu gaih vai ah ming’tuk püi kaw!

SUKI GUI 12:1

Ephraim chang gui cu ng’tuk vai ah pawng m’htei ci gui; ngami cu Jordan tuinu kat ne, Zaphon ung gawk u neta Jephtha ami pyen nak cu, “A i ah kyasei a täng ah keimi kä na khü gui ah khawgi kan ne Ammonit gui tuk gui vai ah na hteh ang? Keimi naw nang la na im cu mei awn kami m’khih khai nei! cik ci gui.

SUKI GUI 14:14

Ani naw, “Ei ci ung ka ei vai gawk lawk ci; k’thamah ci ungka aktuihlim gawk lawk ci.” Hnüüp thum lung güt sei ngami naw cun ah thuyi cu kä hmat ci gui.