SUKI GUI 14:14 - Cho Bible Common Language 2016

¹⁴ Ani naw, “Ei ci ung ka ei vai gawk lawk ci; k’thamah ci ungka aktuihlim gawk lawk ci.” Hnüüp thum lung güt sei ngami naw cun ah thuyi cu kä hmat ci gui.

SUKI GUI 14:14 Referans Kwoze

1 GHANGPUGHANG GUI 17:6

Ani cu tuihta lawng ungka tui awk ci, m’htut la meh cu kaap gui naw akhongawi tä, amühun tä thak law ci gui.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

LAMKTU 8:31

Cun ah chang naw, “A u naw kä a nak phlan tu ung kä ka hmat hlawt khai” ci netah, Philip cu yatha kiaangung a täng ah a ngawh tu vai ah khü ci. Ani ah phat ah cangcim cu:

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

NG'THU K'THUUK~ 24:7

Cüivai nak ng’thu cu thuuk aih ciah kyasei, chang gu ang naw kä hmat yäi ci. Küikyang aih ciah amawng gui pyen sak law ung ani naw a pyen tu vai a i kä om ci.

2 SHONTÄP NAK 20:25

Jehoshaphat la a gakap gui naw ami khawh gui guttep gui khai ah law u neta, seipat gui, ei awk vai gui, suisak gui la a hei a phu tan gui akda hmuk ci gui. Ngami naw cun gui cu hnüüp thum ung la ne bum ci gui, cung phi da aih sei a päng kä la yawp hlawt ci gui.

2 SHONTÄP NAK 20:2

Ng’thu ng’shäu ciah chang gui law u ne, ghangpughang Jehoshaphat am, ami m’thein law cu, “Edom gui ah gakap akdämnu cu nang ning tuk khai gui ah tuisi tuinu ah vangtäng ah ka lawk ci gui nei. Ngami naw Hazazon Tamar cu khäm pyi ci gui nei.” (Cun ah aming hei cu Engedi ah kyak ci.)

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

SUKI GUI 14:15

Ak phli hnüüp ung ngami naw Samson ah chu am ami pyen nak cu, “Thuzi ah mawng cu ana m’thein gui vai ah na cei cu theileh na ä.” Cun ah kä na bi ung na pa ah im mei awn m’khih ne, namät phi kami ning m’khih khai nei. Nangmi naw keimi nami na khü gui cu, nami na gutep gui vai ah kä kya ne ang?