SUKI GUI 14:12 - Cho Bible Common Language 2016

^12-13 Samson naw ngami am, “Kei naw thuzi tumat ka ning shi gui khai. Nangmi naw hta m’um nak ei hnüüp chih kä law pha sei nami hmat hning ah a kyak ung, yih zung thumkip la htu zung thum kip ka ning pe gui khai, kä nami hmat hlawt ah a kyak ung yih zung thumkip la htu zung thumkip nami na pek vai” cik ci. Ngami naw, “Na thuzi cu, Na m’thein gui ä, kami ngai khai nei” cik ci gui.

SUKI GUI 14:12 Referans Kwoze

EZEKIEL 17:2

ani naw pyen ci, “Hnicim Chang, m’tumtäng nak tumat Israel gui am m’thein gui ä.

1 GHANGPUGHANG GUI 10:1

Sheba Ghangpughangnu naw Solomon ah mingthang cu ng’ya neta m’nüm nak ah ng’shi nak gui awn m’nüm khai ah Jerusalem ah lawk ci.

ATÜNNAK 45:22

Ami van am ami ng’thon nak vai sui ng’yung ät ci pe gui ne, Benjamin am ngui pit thum la sui ng’yung hma pek ci.

2 GHANGPUGHANG GUI 5:22

Kehazi naw, “Ka nei, cun ung phi a tuhbäi ng’lung, Ephraim khomhtung ah hnih lawk ciah prophet ng’bum cu gawk law u sei, ka bawi naw ka ning m’thein gui vai pyen ci. Ngami am nangmi naw ngui pit phia thumkip la suinu ni ng’yung goi cu nami pek gui vai ah ng’ya hlük ci nei” cik ci.

2 GHANGPUGHANG GUI 5:5

Ghangpughang naw, “Israel ghangpughang ah hteit ä, shin ah ca hteh püi ä” cik ci. Cun ah kyasei Naaman naw ngui pit phia phia thumkip, ghui pit phia phia chukkip la sui k’ni ng’yung gha hteh püi ne hteit ci.

NG'THU K'THUUK~ 1:6

Cun ah kyasei ng’thup ciah thu thuuk ah mawng la cüivai chang gui ung dang lawk ciah cuhcan nak gui cu, ngami naw hmat hning ci gui.

JAMES 5:2

Nami bühmang nak cu hoce pyi ci nei, nami suisak gui phi ca naw ei yawp pyi ci nei.

1 KORIN 13:12

Tuhbäi mikmi ah hmuh nak cu müi m’dang ci ung müi teng ah mäih ah kyak ci; cun kawn ah mik hmai ng’chum sei mi ng’hmu lawk khai. Tuhbäi kei ah hmuhmat nak cu kä kümbe ci, cun kawn ah, Khanpughi naw kei cu kümbe sei a na hmuhmat ah mäih ah, kei naw kümbe sei ka hmuhhmat lawk khai.

JOHAN 16:29

Ang düihpüi gui naw, “Nang naw tuhbäi kä m’tumtäng ne ang dang ah na pyein pyi ci.

LUKA 14:7

Cun ah ei awk nak ung gawk lawk ciah khin gui cu, akni nak pi bäng bäng ghü ne ngo u sei hmu gui netah, Bawipa Jesuh naw, shin ah m’tumtäng ne m’thein gui ci.

MATTHE 27:28

Gakap gui naw Bawipa Jesuh ah a suisak cu suh pe u netah, hlui sen ciah suinu cu m’sui ci gui.

MATTHE 13:34

Bawipa Jesuh naw chang gui-am m’tumtäng bäng bäng ne m’thein gui ci. Kä m’tumtäng ah a i ah mawng phi kä pyein ci.

MATTHE 13:13

Ngahmi-am a i ah kyasei m’tumtäng ne kam thein gui ang ci ung; ngami cu teng ne phi kä hmuk ci gui, ngai ne phi kä ng’yak ci gui, a i kä ami hmuhmat su ah kyak ci.

MATTHE 6:19

‘Thu kaa m’pyiit yaup ne, m’guk ei ah m’guuk nak thei ah, khomdek khan ung khawh chaam kä nami m’cun m’seh vai.

EZEKIEL 20:49

Cun ung phi kei naw ka m’shang ba ci, “Uktu Bawipa, cun ah kä na bi sak en ä! Kei naw ak phlüt ah ng’thuzi awn ka ng’thu ciah chang päng naw pyen law pyi ci gui nei.”

SAM 49:4

Kei cu thu thuuk lam ah ng’hlat ne, thuuk ciah amawng cu tingtäng tum ne ka m’dang khai.

2 SHONTÄP NAK 7:8

Solomon la Israel chang gui ami van naw ng’yii nak ah pawi cu khaw hnüüp chih ung bik ci gui. A siiptäng Hamath Hteng ungka naw, a htumtäng Egypt khogii ung khüt sei chang gui law u sei, chang cu da ne ng’peeih ci.

SUKI GUI 14:11

Cun cu Philistin gui naw hmu u neta, ani awn a täng ah om khai gui ah chang nong thum kip lawk ci gui.

NG'THU K'THUUK~ 31:24

Ani naw sui akni tah ne khei pat pyang ne sumlei ci gui am yoih na gui ci.