SUKI GUI 13:8 - Cho Bible Common Language 2016

⁸ Cun kawn ah Manoah cu Bawipa ah taigü ci, “Na bä ni, Bawipa, Khanpughi ah chang keimi ah na tüih law cu, keimi ah law ba sak ne, a hmaw hta nak kawn ah a i haw cha ah bi lawh vai cu na m’thein law ba gui ä.”

SUKI GUI 13:8 Referans Kwoze

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

JOB 34:32

Na chei nak gui aning m’hnuh vai ah Khanpughi ah na ng’yoi thäh ne ang? Ashe kä na bi ba vai ah nang ung yum nak om ne ang?

SUKI GUI 13:3

Bawipa ah khanchang naw ani ah ma ah ng’dang neta a pyen cu, “Nang cu kä hta hlawt phung ci, cun ung phi nang cu kä shou sei käumah ne pami ah na hta khai.

SUKI GUI 13:6

Cun kawn ah hnumi naw a cei ah om nak ah hteit neta a pyen cu, “Khanpughi ah chang cu kei ah lawk ci, ani cu Khanpughi ah khanchang ah mäih ah kia ne kyih vai kya ci. Ani a hawi ka a law ah kei naw kä ka ng’shik ci, ani naw phi aming kä na m’thein ci.

SUKI GUI 13:7

Cun ung phi kei käumah ne k’pami ah ka hta lawk khai ah pyen ne ani naw na m’thein ci. Ani naw yu phi, sapyit tui phi kä ka awk en vvai, hlawi ah ei kä ka ei en vai ah na m’thein ci, a i ah kyasei ci ung ak hmaw cu a ghin ah chuih Nazirit ah k’bäi ne Khanpughi am ap vai ah kyak ci.”

SUKI GUI 13:9

Manoah naw akthäh ah mäih ah Khanpughi naw bik ci, ani ah khanchang cu cun ah hnumi lai ah a ngoh yah ung law ba ci. A cei Manoah cu ani awn a täng ah kä om ci,

SUKI GUI 13:11

Manoah cu tho law ne akchu cu läk lawk ci. Ani naw cun ah chang ah hteit neta ang shi cu, “Nang cu kei ah chu na ng’thu püi ciah chang ah kia ne ang?” Ani naw, “Ä” cik ci.