SUKI GUI 13:6 - Cho Bible Common Language 2016

⁶ Cun kawn ah hnumi naw a cei ah om nak ah hteit neta a pyen cu, “Khanpughi ah chang cu kei ah lawk ci, ani cu Khanpughi ah khanchang ah mäih ah kia ne kyih vai kya ci. Ani a hawi ka a law ah kei naw kä ka ng’shik ci, ani naw phi aming kä na m’thein ci.

SUKI GUI 13:6 Referans Kwoze

1 SAMUEL 9:6

Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

LAMKTU 6:15

Kawngsi yung ah gawk ciah chang gui naw Stephen cu kheing ne teng u netah, ani ah hmai cu khankho chang ah hmai awn täng sei hmuk ci gui.

LUKA 9:29

Ak taigü yah ung a müi hmai cu ng’khuk hlat ne, asuisak phi a bawk ah pyü ne khang lawk ci.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

DANIEL 10:11

Khanchang naw kei am ana pyen nak cu, “Daniela, Khanpughi naw ning m’hni ci. Ng’düi law ne kei naw ka pyen law vai cu geing na ne ngai ä. Kei naw nang cu ka ning tüi ci nei.” Ani naw shin ah a pyen yah ung kei ka ng’düi lawk ci, ka ng’hlet lä ci.

DANIEL 10:5

Kei naw hang mang neta linen sui sui ne, ghui ni kheipat pat ciah chang tumat cu ka hmuk ci.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”

2 GHANGPUGHANG GUI 4:9

Cun ah hnumi naw a cei am, “Shin ah chang shi ah a shäng shäng lawk ciah chang cu theingciim ciah chang ah kei naw akcang ah ka hmat ci.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

2 GHANGPUGHANG GUI 4:16

Elisha naw pyen nak ci, “Hneng kum a tuhbäi ah a khin ung nang naw na kut ung htapa cu nak pawm khai nei” cik ci. Ani naw pyen ba ne, “Oh, na bä ni, Bawi, kei kä na m’hleei ä. Nang cu Khanpughi ah chang nei!” cik ci.

1 GHANGPUGHANG GUI 17:24

Ani naw m’shang ne, “Tuhbäi kei naw ka hmat ci, nang cu Khanpughi ah chang ah na kyak ci, Bawipa naw akcang ah nang ung ng’thu pyen ci nei!” cik ci.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

1 SAMUEL 2:27

Bawipa ung ka lawk ciah shin ah ng’thu awn prophet cu Eli ah lawk ci: “Nami pupa Aaron la akyong khui cu Egypt ghangpughang changshäm ah ami kyak ung, kei naw ka mät Aaron ung ka m’than ci.

SUKI GUI 13:22

Moanoah naw akchu am, “Mikmi cu akcang ah mi sik khai nei, a i ah kyasei ci ung mikmi naw Khanpughi mi hmuk ci” cik ci.

SUKI GUI 13:8

Cun kawn ah Manoah cu Bawipa ah taigü ci, “Na bä ni, Bawipa, Khanpughi ah chang keimi ah na tüih law cu, keimi ah law ba sak ne, a hmaw hta nak kawn ah a i haw cha ah bi lawh vai cu na m’thein law ba gui ä.”

JOSHUA 14:6

Hnüüp ät ung Judah pakhui ungka chang amshah cu Joshua ah om nak Kilkal ah lawk ci gui. Ngami ungka Kenizzit chang Jephunneh ah hta Kaleb naw a pyen nak cu, “Kadesh Banear ung, nang la kei ah mawng, Khanpughi ah chang Moses am Bawipa naw a pyen nak cu nang naw na hmat ci.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

PHYAWN NAK 3:2

A cu ah Bawipa ah khanchang cu k’pluup ah ng’lung ah mei m’lei ah dang lawk ci. Moses naw k’pluup cu mei ah däi sei hmuk ci, cun ung phi kä ui ci.

ATÜNNAK 32:29

Jakob naw, “Na ming cu na m’thein ä” cik ci. Ani naw, “A i ah kyasei kei ah ming na hmat hlü ang?” ci neta Jakob am hriham pek ci.

ATÜNNAK 18:2

Chang sing thum ng’düi sei hmuk ci. Ani cu a hmuh gui vai am va lut ne, a hmai naw m’dek tawn khai ah kawp neta,

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

SUKI GUI 13:3

Bawipa ah khanchang naw ani ah ma ah ng’dang neta a pyen cu, “Nang cu kä hta hlawt phung ci, cun ung phi nang cu kä shou sei käumah ne pami ah na hta khai.

SUKI GUI 13:7

Cun ung phi kei käumah ne k’pami ah ka hta lawk khai ah pyen ne ani naw na m’thein ci. Ani naw yu phi, sapyit tui phi kä ka awk en vvai, hlawi ah ei kä ka ei en vai ah na m’thein ci, a i ah kyasei ci ung ak hmaw cu a ghin ah chuih Nazirit ah k’bäi ne Khanpughi am ap vai ah kyak ci.”

SUKI GUI 13:10

Cun ah kyasei ani cu ang ghit ah dawng ban eta, a cei am, “Teng ä! A yän ä, kei ah lawk ciah chang cu dang law ba mä ci nei” cine m’thein ci.