SUKI GUI 13:25 - Cho Bible Common Language 2016

²⁵ Ani cu Zorah la Esthaol ah ng’lak Dan phung ung a om sang ung Bawipa ah huhum naw tün ne kitha gui pek ci. Nazaret: cicu yu phi, sapyit tui phi kä aw ne, lu kä k’teiu ne, aksi kä tam ne, Khanpughi kyih aa ne, Khanpughi ung ng’ap ciah Chang ah kyak ci.

SUKI GUI 13:25 Referans Kwoze

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

JOSHUA 15:33

M’htung nawi ung mang gaw gui cu Eshtaol, Zorah, Ashnah,

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

MATTHE 4:1

Cun kawn ah khoshe ah tüihtok nak a aut vai ah Bawipa Jesuh cu Mumcha naw bung ah hteh püi ci.

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.

SUKI GUI 11:29

Cun kawn ah Bawipa ah Mumcha cu, Jephthah ah khan ah gawk lawk ci. Ani cu Kilead la Manasseh zung ah hteit neta, ng’hlat ne Kilead khaw Mizpah ung lawk ci, cun ungka naw Ammon ung hteit ba ci.

SUKI GUI 6:34

Bawipa ah mümcha naw Kideon cu pha ne k’pan neta, cun ah chang gui gawt gui khai ah Abiezer pahta gui cu phyung puuk tum ne khü gui ci.

SUKI GUI 14:1

Hnüüp ät ung Samson cu Timnah pigaw ah hteit ci, a cu ah Philistin hnumi hta cu hmuk ci.

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,

SUKI GUI 18:2

Cun ah kyasei Dan chang gui naw ami pakhui kyong chang gui ung bä ciah chang hma ghü u neta, Zorah la Esthaol gawnu gui ung ka khaw shui khai gui ah m’cäi ne tüi ci gui. Ngami cu Ephraim khaw-gui ung law u neta, Mikah ah im ung om tuk ci gui.

JOSHUA 19:41

Acun ah area ung Zorah, Esthaol, Irshemesh,

SUKI GUI 16:31

A phäi nau gui la akyong chang gui law u ne, a gook cu la ba ci gui. Ngami naw hteh püi ba u ne Zorah ah ng’lak la Esthaol, apa ng’phuh hmun ung k’phuh ci gui. Ani cu khawkum m’ku ung Israel gui ah ng’vai ah kyak ci.