SUKI GUI 13:23 - Cho Bible Common Language 2016

²³ Cun ung phi akchu naw, “Bawippa naw ana ngawn goi hlü ah a kyak vai sü ung, ani naw nikni ah douthak kä dou khai süte; ani naw shin ah mäih gui avan na m’dang gui ne, tuhbäi shin ah mäih gui na m’thein gui ne, kä kyak khai süte” cik ci.

SUKI GUI 13:23 Referans Kwoze

1 KORIN 12:21

Cun ah kyasei, mik naw kut am, “Nang kä ka ning ya hlük ci” ci ne kä pyein hning ci. Lu naw phi kho am, “Nang kä ka ning ya hlük ci” cine kä pyein hning ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

JOHAN 14:20

Cun ah hnüüp ung, ‘kei Kapa ung ka om ci, nangmi ung kei ka om ah mäih ah, kei ung nangmi nami om ci’ ka cicu nami hmat khai.

SAM 86:17

Bawipa, na ni nak cu saksi awn na m’dang ä; m’lung üp nak la m’hteihtang nak na na pek cu ami hmuh ah akyak ung, kei na thüi nak ci gui cu lü khai gui nei.

NG'THU K'THUUK~ 3:32

A i ah kyasei ci ung Bawipa naw akshe bik ci gui cu thüi nak ci. Cun ung phi ani naw düng ciah chang gui cu akcang ah yum ciah la gui ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

SAM 27:13

A shui ah ka ghin yah ung Bawipa ah ni nak hmuh vai ah ka ghing khai ciah ka hmat ci nei.

SUKI GUI 13:24

Cun ah hnumi cu pami hta ah hta ne, angming cu Samson ah sui ci. A k’hmaw cu dä ng’ghaw law sei Bawipa naw hriham pek ci.

SAM 20:4

Na ng’yak hlü cu ani naw ning pe sä, Na pawngpüi avan na näng vai ah ning pyang sä.