SUKI GUI 13:20 - Cho Bible Common Language 2016

^20-21 Sonkiang ung ka mei däi ne ang düih law yah ung, Bawipa ah khanchang cu meidäi ung khankho täng ah hang kai vii sei, Manoah la akchu naw hmuk ci goi. Cun kawn ah Manoah naw cun ah chang cu Bawipa ah khanchang ah hma ci. Cun kawn ah ani la akchu cu m’dek täng ah hmai ne ung kaup ci goi. Cun kawn ah ngani naw khanchang cu kä hmu bap hung ci goi.

SUKI GUI 13:20 Referans Kwoze

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

1 SHONTÄP NAK 21:16

David naw, khanchang cu a kut ung a khimsem kawt ne, Jerusalem cu m’ding ge khai ah khokhi ung ng’düi sei hmuk ci. Cun kawn ah David la ami ng’vaihta gui-ami van naw suishe sui u ne-ami hmai naw m’dek tawn khai ah kawp ci gui.

2 GHANGPUGHANG GUI 2:11

Ngani cu hteit lai lai ne ani ng’htau sang ung; ang ghit ah meidäi yatha, meidäi ng’se gui ah kaih cu ani ng’lak ung gawk law ne, kuiphak ah khi ne, Elijah cu khankho ah hteh püi ci gui.

EZEKIEL 1:28

Cun ah avai gui avan cu zapi ah mäih ah kyak ci. Shin cu Bawipa ah om ah mawng dang sak ciah akdei khang ah kyak ci. Kei naw cun cu hmu neta m’dek ung ka hmai gawk khai ah ka kiuk ci. Cun kawn ah ka ng’yak ah k’aw cu,

MATTHE 17:6

Cun ah k’aw cu ang düihpüi gui naw ng’ya u netah ang htei ah kyi kyawk u ne, m’dek ung kaup yawp ci gui.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

1 SHONTÄP NAK 21:26

Ani naw a cun ung Bawipa sonkiang co neta, m’khih douthak nak la hmuhchum-douthak nak cu bik ci. Ani taigü sei, Bawipa naw khankho ah ka mei yuk chah ne sonkiang ung khawihnah nak cu uih sak ne yuk m’shang lawk ci.

ATÜNNAK 17:3

Abram cu a hmai m’kyum ne kawp khätah Khanpughi naw,

DANIEL 10:9

Kei naw ak aw cu ng’ya neta m’dek ung ng’baw lawk ne kyu ne a i kä ka shüm ba ci.

EZEKIEL 1:26

Shang im ah khan ah senlung awn pyan ah mang kiang ah mäih lawk ci om ci, cun ah mangkiang ah khan ah chang ah mäih lawk ci tumat ngok ci.

SAM 47:5

Khanpughi cu a mang kiang ung hang kai ci, Bawipa a hteh sangung, yei nak m’lau k’aw la phyung heng tum k’aw cu ng’shan ci.

SUKI GUI 6:19

Cun ah kyasei Kideon cu a im ah hteit ba ne, Mehta tumat cu shong ci, htangphyawi gha awn k’caw kä shum ah m’htut cu pyang ci. Ani naw meh cu dawn ung tha ne, meh tui cu khawk ung lou neta m’dung ghing ka, Bawipa ah khanchang ah om nak law püi ne, ani am pek ci.

SUKI GUI 6:21

Cun kawn ah Bawipa ah khanchang naw zawn neta, meh la m’htut cu akawh ah htung m’sawng ah am dawng awn tawk ci. Lung ung mei däi law neta meh la m’htut cu mei naw ui ci. Cun kawn ah khanchang cu maih ba ci.

1 SHONTÄP NAK 21:21

Araunah naw ng’et lawk ciah Ghangpughang David cu hmu neta a htang-hlang cu nawng ne, ama ah m’dek ung a hmai ng’hlik khai ah kawp ci.