SUKI GUI 13:18 - Cho Bible Common Language 2016

¹⁸ Khanchang naw, “A i ah kyasei, kei ah ming na hmat hlü ang? Cun cu cäicat vai ah ming ah kyak ci nei” cik ci.

SUKI GUI 13:18 Referans Kwoze

ATÜNNAK 32:29

Jakob naw, “Na ming cu na m’thein ä” cik ci. Ani naw, “A i ah kyasei kei ah ming na hmat hlü ang?” ci neta Jakob am hriham pek ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

SUKI GUI 13:6

Cun kawn ah hnumi naw a cei ah om nak ah hteit neta a pyen cu, “Khanpughi ah chang cu kei ah lawk ci, ani cu Khanpughi ah khanchang ah mäih ah kia ne kyih vai kya ci. Ani a hawi ka a law ah kei naw kä ka ng’shik ci, ani naw phi aming kä na m’thein ci.

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

PHYAWN NAK 23:21

A pyen ah nami om vai, a ng’thu nami ngaih vai, kä nami hnungtuk püi vai, kei naw ka tüih law ah kyak ci, cun ah hnungtuk püi ci gui cu ani naw kä m’hlawt gui khai.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

ISAIAH 9:5

Tu law gui ciah gakap gui ah phahnak gui la si kawp ciah suisak gui avan cu mei awn m’khih vai.