SUKI GUI 12:6 - Cho Bible Common Language 2016

⁶ Ngami naw, “Shibboleth” ciah ng’thu a pyen vai ah m’thein ci gui. Cun ung phi ani naw, “Sibboleth” a ci law ah a kyak ung ani naw hman khai thu k’aw kä pyen thei ciah kyak ci. Cun gui cu pha u neta, Jordon tui kah nak ah hmun ung ngawn ci gui. Acun ung Ephraimit phia phli-kip lei-goi cu ngawn ci gui.

SUKI GUI 12:6 Referans Kwoze

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

MAKUH 14:70

Peter naw, “Kaa nei” cine ma ba mä ci. Shou hta shang khätah cun ung düi ci gui naw Peter-am, “Nang cu Kalile chang ah na kyak ci, ngami ah ning paw nei, kä na ma hlawt khai nei” cine kyak nak ci gui.

MATTHE 26:73

Cun kawn ah shängshäng hta khätah a pei ung ah düi ciah chang gui cu Peter ah pei ah law u netah, “Nang cu akcang ah ani ah paw ah na kyak ci, nang thu chi awn hmat phyak ci nei,” cine kyak nak ci gui.

MATTHE 12:25

Ngami ah m’lung ngaih cu hmat netah Bawipa Jesuh naw, “Khopäng tumat ung chang gui cu ami m’lung ngaih hnga hnga sei, ami mät gui ami ng’tuk-ah a kyak ung, cun ah khopäng cu kä shou pha sei, dimaih khai. Acun ah mäih ah m’lung ngaih kä kawng ät ciah pigaw, kä cun ung kyong khui cu kä khäng htek khai.

ISAIAH 27:12

Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

THUSHÄUTU 10:12

Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

NG'THU K'THUUK~ 18:19

Na phai nau na m’hteivai, cun ung ani naw khang ciah mang paang ah maih ah ning shungvong khai. Cun ung phi ng’thu na m’da pui ah a kyak ung ani naw nang ah lam ah m’kawt khai khai.

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

SAM 69:15

Tui naw kä na k’plüm en sä; khui ung kä na m’hluh en ä, ng’cim hmun naw kä na m’zaw en sä.

SAM 69:2

Kei ng’än ng’nai thuuk ung ka lut ci, ka ng’leh nak vai kä om ci; kei cu tui thuk khui ah ka ng’kyak ci, tui ng’hnawk na k’plüm vai ci nei.

SUKI GUI 12:5

Ephraimit gui kä phyawng khai gui ah k’pan nak gui vai ah Kileadit gui naw Jordan tuinu kah nak ah hmun cu khäm ci gui. Ephraimit tumat mat naw, a phyawn vai ah k’tha na ne, tui kat khai ah ak thäh law ah a kyak ung, Kilead chang gui naw ami ng’shi vai, “Nang cu Ephraimit ang?” Ani naw “Ka nei,” a ciah a kyak ung,

SUKI GUI 12:7

Jephthah naw Israel gui cu kum chuk ung matawn gui ci. Cun kawn ah ani cu si sei, amät ah gawnu, Kilead khaw ung m’cim ci gui.