SUKI GUI 12:5 - Cho Bible Common Language 2016

⁵ Ephraimit gui kä phyawng khai gui ah k’pan nak gui vai ah Kileadit gui naw Jordan tuinu kah nak ah hmun cu khäm ci gui. Ephraimit tumat mat naw, a phyawn vai ah k’tha na ne, tui kat khai ah ak thäh law ah a kyak ung, Kilead chang gui naw ami ng’shi vai, “Nang cu Ephraimit ang?” Ani naw “Ka nei,” a ciah a kyak ung,

SUKI GUI 12:5 Referans Kwoze

SUKI GUI 3:28

Ani naw, “Na läk law vä! Bawipa naw nami ga, Moabit gui ah khan ah ng’näng nak ning pek gui pyi ci nei” cik ci. Cun ah kyasei ngami cu Ehud läk ne kyum law ba u ne Moabit gui naw Jordan tuinu ami kah nak vai ah hmun cu khäm ci gui; ngami naw chang tumat am phi tui kä kah sak ci gui.

JOSHUA 22:11

Pawih shüt ciah Israel chang gui am, ami m’thein gui cu, “Ngai vä! Reuben, Kad la a kyangtäng Manasseh pakhui gui naw Jordan tuinu ah mikmi täng, Keliloth ung sonkyang co ci gui nei” ciah kyak ci.

SUKI GUI 7:24

Kideon naw Ephraim khogui avan ung chang tüi neta a pyen cu, “Kyum law u ne Midianit gui cu tu gui vä, Jordan tuinu la Bethbarah ung khüt sei tui hta güi khäm ne, Midianit gui naw kä kat ten hlawt khai gui ah k’pang vä,” cik ci. Epraim chang gui cu a täng ah khü gui u sei, ngami naw Jordan tuinu la Bethbarah tuihta ung khüt sei k’pang ci gui.

JOSHUA 2:7

Ghangpughang ah chang gui hteit ba u khäta, mang ah m’kawt cu khai ci gui. Ngami naw ng’däät ciah Israel chang goi cu Jordan tuinu kah nak ah lam ung khüt ne shui ci gui.

SUKI GUI 12:4

Cun kawn ung Jephthah naw Kilead chang gui avan law püi gui ne, Ephraim gui cu tu ne hnim gui ci. (Ephraim gui naw pyen u ne, “Ephraim la Manasseh khaw ung, nangmi Kileadit gui cu Ephraim ung ka chang dawng gui nei!” cik ci gui.)

SUKI GUI 12:6

Ngami naw, “Shibboleth” ciah ng’thu a pyen vai ah m’thein ci gui. Cun ung phi ani naw, “Sibboleth” a ci law ah a kyak ung ani naw hman khai thu k’aw kä pyen thei ciah kyak ci. Cun gui cu pha u neta, Jordon tui kah nak ah hmun ung ngawn ci gui. Acun ung Ephraimit phia phli-kip lei-goi cu ngawn ci gui.

SUKI GUI 17:7

Cun yah ung Judah khaw Bethlehem gawnu ung Levit chang nong tumat om ci.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

1 GHANGPUGHANG GUI 11:26

A hei tumat Ghangpughang Solomon hnungtuk püi cicu amät ah bawi, Ephraim khaw Zeredah ungka Nebat ah hta Jeroboam ah kyak ci. Anu cu hmeinu Zeruah ah kyak ci.