SUKI GUI 12:1 - Cho Bible Common Language 2016

¹ Ephraim chang gui cu ng’tuk vai ah pawng m’htei ci gui; ngami cu Jordan tuinu kat ne, Zaphon ung gawk u neta Jephtha ami pyen nak cu, “A i ah kyasei a täng ah keimi kä na khü gui ah khawgi kan ne Ammonit gui tuk gui vai ah na hteh ang? Keimi naw nang la na im cu mei awn kami m’khih khai nei! cik ci gui.

SUKI GUI 12:1 Referans Kwoze

SUKI GUI 8:1

Cun kawn ah Ephraim chang gui naw Kideon am, “Midianit gui na tuk gui vai yah ung a i ah kyasei kä na na khü gui ang? A i ah kyasei shin cha ah na na kyak nak gui ang?” cine ana pyen nak ci gui.

JAMES 3:16

M’thüi m’khang nak la m’yawmhau nak cun naw, kä ng’käkhtäng nak la shetkat nak a hlü hlü om sak ci,

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

SUKI GUI 14:15

Ak phli hnüüp ung ngami naw Samson ah chu am ami pyen nak cu, “Thuzi ah mawng cu ana m’thein gui vai ah na cei cu theileh na ä.” Cun ah kä na bi ung na pa ah im mei awn m’khih ne, namät phi kami ning m’khih khai nei. Nangmi naw keimi nami na khü gui cu, nami na gutep gui vai ah kä kya ne ang?

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

SAM 109:4

Kei naw m’hni gui ngä sei phi, na ng’tuk püi ci gui, cun ung phi kei naw ka taigü pe gui ci.

SUKI GUI 15:6

Philistin gui naw, a u naw shin ah abi cu ng’shi gui u neta, Samson naw a ciah hmat ci gui, a i ah kyasei ci ung, Timnah ah ka Samson ah kawi naw, Samson ah akchu cu, Samson ah a teihpui am a pek ah hmawk ah kyak ci. Cun ah kyasei Philistin gui naw cun ah hnumi m’khih u ne apa ah im phi m’khih ci gui.

SUKI GUI 11:40

Cun ah kyasei hnumi hta gui cu Kilead ah ka, Jephthah ah hta hnumi ah phäh ah, a kum tä sei, hnüüp phli ci, a hei ah hteit ne kyap m’lau ci gui.

SUKI GUI 12:2

Jephthah naw ngami am, “Kei la ka chang gui cu Ammonit gui awn atung ah kami ng’tu ng’aat ci nei. Kei naw ka ning khü gui ci, cun ung phih nangmi naw kä nami na gung gui ci.

HOSEA 13:1

Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.

MAKUH 3:24

Chang gui ami m’lung ngaih ng’pai sei ami küüt-neet nak ah kho cu a hei hei ah ng’pai yawp khai nei.