SUKI GUI 11:36 - Cho Bible Common Language 2016

³⁶ Hnumi hta naw ani am, “Nang naw Bawipa ung ah shai na tak pyi ah a kyak ung, kei ah khan ung na bi bai ah na pyen cu na bi bai nei, Bawipa naw nag a gui Ammonit gui ah khan ah phu-tuk nak vai ning pe pyi ci nie.”

SUKI GUI 11:36 Referans Kwoze

2 SAMUEL 18:19

Cun kawn ah Ahimaaz ah hta Zadok naw Joab am, “Kei ghangpughang ah dawng ne, Bawipa naw aga gui ah kut ung a hun ah mawng ng’thu ni cu ka m’thein khai nei” cik ci.

PHILIPPIAN 2:30

Ani naw Bawi Khrit ah khuut cu a sih awng ah k’tha nah ne bik ci nei. Cun cu nang mi naw kä nami peit hlawt ah bi cu kei am ana pei vai ah hmawk ah a bi ah kyak ci nei.

ROMAN 16:4

Ngah ni cu kei ah hmawk ah ani hnun gui pe ne bi bik ci goi nei. Ngah ni cu kei bäng ah kä kyak ciah khui hei chang khritha bum avan naw yei na goi ci gui nei.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

2 SAMUEL 19:30

Mephibosheth naw, “Ziba naw avan la sä, nang bawi mang phyawng ne im ah na gawk law ba cu kei ah phäh ah bä ci nei” cik ci.

2 SAMUEL 18:31

Cun kawn ah Sudan changshäm gawk law neta, ghangpughang am, “Ka bawi mang, ng’thu ni ka law püi ci nei! Nang ning hnu ng’tuk ne, ning tuk püi ci gui van ah khan ah tuh ngawi Bawipa naw näng nak ning pek ci nei!” cik ci.

KHEI NAK 30:2

Chang tumat naw Bawipa am petak khai ah ang khäntam ah a kyak ung käcung a mawngma tumat mat ung hlawi hlek vai ah ang gunghta ah a kyak ung, ani naw a shaitak cu kä am’shet en vai, cun ung phi ani naw a bi vai ah a pyen päng cu abi vai.

JOSHUA 12:2

Tumat ci Sihon, Heshbon uktu Amorit ghangpughang ah kyak ci. Ani ah uknak naw Kilead khaw avang k’um ci. Cun cu Arnon khaw nawi akit ah kyak ciah Aroer ung tün ne acun ah khaw nawi ah ng’lung ung mang gaw, Ammon khawgii, Jabbok tuinu ung khüt ci;