SUKI GUI 11:29 - Cho Bible Common Language 2016

²⁹ Cun kawn ah Bawipa ah Mumcha cu, Jephthah ah khan ah gawk lawk ci. Ani cu Kilead la Manasseh zung ah hteit neta, ng’hlat ne Kilead khaw Mizpah ung lawk ci, cun ungka naw Ammon ung hteit ba ci.

SUKI GUI 11:29 Referans Kwoze

KHEI NAK 11:25

Cun kawn ah Bawipa naw khaw ng’mei ung law neta, ng’thu püi ci. Ani naw Moses am a peik ah mümcha amshah cu la neta angvaihta chihkip am pe gui ci. Ngami ah khan ah mümcha gawk law khäta, ngami cu prophet gui ah mäih ah m’lau ci gui. Cun ung phi akshou kä m’lau ci gui.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.

SUKI GUI 13:25

Ani cu Zorah la Esthaol ah ng’lak Dan phung ung a om sang ung Bawipa ah huhum naw tün ne kitha gui pek ci. Nazaret: cicu yu phi, sapyit tui phi kä aw ne, lu kä k’teiu ne, aksi kä tam ne, Khanpughi kyih aa ne, Khanpughi ung ng’ap ciah Chang ah kyak ci.

SUKI GUI 10:17

Cun yah ung Ammonit gakap gui cu ng’tuk vai ah pawng u ne, Kilead ung phung tu ne om ci gui. Israel chang gui cu ng’bum ne law u ne, Kilead khaw Mizpah ung phung tu ne om ci gui.

SUKI GUI 6:34

Bawipa ah mümcha naw Kideon cu pha ne k’pan neta, cun ah chang gui gawt gui khai ah Abiezer pahta gui cu phyung puuk tum ne khü gui ci.

ATÜNNAK 31:49

Laban naw, “Shin ung mi ng’pai law ung Bawipa naw na m’htei gui sä” cine pyen ci. Cun ah kyasei cun ah hmun cu Mizpah ah sui ci gui.

SUKI GUI 11:11

Cun ah kyasei Jephthah cu Kilead ang vai gui awn a täng ah hteit tu sei, chang gui naw ami uktu la ami ng’vai ah k’hmoh ci gui. Jephthah naw ak thäh gui ah mawng cu Mizpah ung Bawipa ah ma pyen ci.

SUKI GUI 11:28

Cun ung phi Ammon ghangpughang naw Jephthah ah ng’thu m’shäk cu a i ah phi kä m’hlam ci.

SUKI GUI 11:30

Jephthah naw Bawipa ah shai a tak cu: “Nang naw Ammonit gui ah khan ah näng nak na na pek ah a kyak ung,

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.

1 SAMUEL 12:11

Cun ung Bawipa naw Gideon, Barak, Jephthah la ak hnu ah kei cu na tüi gui ci. Keimi tumat ci naw nami ga ung ka, kami ning hun gui ci, nangmi phyawng ne nami om ci.