SUKI GUI 11:27 - Cho Bible Common Language 2016

²⁷ Kei naw nang an khan ah katnak kä ka bik ci. Nang naw na ng’tuk püi ne katnak na bik ci nei. Bawipa cu suki ah kyak ci. Tuhngawi ani naw Israel gui la Ammonit gui ang ng’lak ung m’khoicha bik khai nei,” cik ci.

SUKI GUI 11:27 Referans Kwoze

1 SAMUEL 24:15

Bawipa naw m’khoi m’chak khai, a u chang mi hma ciah ani naw m’hnüt bäi khai. Ani naw a mawng cu teng khai, nang ah kut ung kei na shungvong ne, na hun ci,” cik ci.

1 SAMUEL 24:12

Mi hma nak cu Bawipa naw m’khoi m’cha sä! Kei naw api ah phi kä na ning nat sak ci kyasei, nang naw kei ah khan ah hnu ng’tuk ne na hnün thawh nak cu Bawipa naw ning m’kyuk sä.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

ATÜNNAK 16:5

Cun kawn ah Sarai naw Abram am, “Hakarah ah na shedam nak cu, nang ah khan ah gawk sä. Ani cu kei naw ka ning ap nei, cun ung phi a kämah law hmat neta, kei cu na shedam nak ci nei. Bawipa naw nang la kei ung düng ci la kä düng cicu ng’thumcha sä” cine pyen ci.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

SAM 94:2

Nang cu chang van ah suki ah na kyak ci; tho law ne, chang ah ng’shei ci gui ah om ih cu m’cha pe gui ä!

SAM 82:8

O Khanpughi, kyum law ne, khomdek khan cu uk law ä; changpakhui avan cu nang ah kaa nei.

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

SAM 50:6

Khan kho naw ng’shäu ne, Khanpughi cu düng ci, ani cu suki ah kyak ci, cik ci.

SAM 7:11

Khanpughi cu ng’düng ciah suki ah kyak ci, ani naw angtäi sei, akshe cu m’kyuk ci.

JOB 23:7

Kei cu ka ng’düng ci, amawngma avan Khanpughi ah ma ah ka pyen hning ci.

JOB 9:15

Kei cu changni ah ka kyak ung phi, ka bi hning avan cu Ka suki Khanpughi ah chimgein nak ng’zoih vai bäng nei.

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

2 KORIN 11:11

Cun ah ka pyein cu nangmi kä ka ning m’hni gui su ah ang? Kei naw ka ning m’hni gui cu Khanpughi naw hmat ci.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

SUKI GUI 11:28

Cun ung phi Ammon ghangpughang naw Jephthah ah ng’thu m’shäk cu a i ah phi kä m’hlam ci.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

1 SAMUEL 24:13

Nang naw thu phyim na hmat ci, “Akshe cu changshe bäng naw bik ci! Cun ah kyasei kei naw kä ka ning bik khai.

1 SAMUEL 24:16

David naw thu pyen yawp khäta, Saul naw “Ka hta, nang David akcang ma?” ci neta ani cu kyap ci.