SUKI GUI 11:26 - Cho Bible Common Language 2016

²⁶ Heshbon la Aroer la ani pei zung ah ka gawnu gui ni, Arnon tuinu kem zung ah mang gaw gui avan cu Israel gui naw kum phia thum ung khäm ne uk ci gui. A i ah kyasei tuh güt kä na khäm ba ang?

SUKI GUI 11:26 Referans Kwoze

THULÄÄN NAK 2:36

Bawipa kami Khanpughi naw Aroer ungka gawnu gui avan na näng sak gui ci. Cun cu Arnon khaw nawi ak cawi täng ah kyak ci. Cun ah khaw nawi anglung ung mang gaw la Kilead lam hteh nak ungka avan ah kyak ci. Keimi ah phäh ah khäng htek khai ah ami vongpang a i gawnu phi kä om ci.

SUKI GUI 10:8

Kilead khaw Jordan tuinu ah a kiangtäng Amorit khopäng ung om ciah Israel gui ami van cu khokum ghalei-cheit ung ngami naw zoshe na ne, k’dukdeiu na gui ci gui.

SUKI GUI 9:22

Abimelek naw Israel cu kum thum ung uk ci.

SUKI GUI 8:28

Midianit cu Israel gui naw ami hnim pyi ah kia ne kyin kyawk vai ah kä kya ba ci. Cun ah khaw cu Kideon a sih ung khüt ne khokum phli-kip ung dimdeeih ci.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

SUKI GUI 3:30

Cun hnüüp ung Israel gui naw Moab cu tu hnin ci gui, ami khaw cu khawtum cheitkip ung dimdeih ci.

SUKI GUI 3:11

Cun ah khaw ung khaw kum phlikip dimgei nak om ci, cun kawn ah Othniela cu sik ci.

JOSHUA 23:1

Shohta khäta Bawipa naw, Israel gui cu koi gui ne om ciah ami ga gui ungka shungvong gui ci. Cun yah ung Joshua cu anghtei ah ghi lawk ci.

JOSHUA 13:10

Cun cu Ammon khawgii ung khüt ba ne, Amorit ghangpughang Sihon ah uknak mang gaw gui avan ah kyak ci, ani naw Heshbon ung om ne uk ci.

JOSHUA 12:5

Ani ah uknak khaw cu Hermon m’htung, Salekah la Bashan khaw avan, Keshura la Maakah khawgii ung khüt ci. Kilead khaw ateih, ghangpughang Sihon ah uk Hesbon khopäng un gkhüt ci.

JOSHUA 12:2

Tumat ci Sihon, Heshbon uktu Amorit ghangpughang ah kyak ci. Ani ah uknak naw Kilead khaw avang k’um ci. Cun cu Arnon khaw nawi akit ah kyak ciah Aroer ung tün ne acun ah khaw nawi ah ng’lung ung mang gaw, Ammon khawgii, Jabbok tuinu ung khüt ci;

THULÄÄN NAK 3:6

Keimi naw gawnu gui avan m’di u ne, chang avan pami, hnumi ak hmaw avan kami ngawn gui ci. Heshbon ghangpughang Sihon ah khaw ung gawnu gui ami ciah mäih ah kami cik ci.

THULÄÄN NAK 3:2

Cun ung phi Bawipa naw an pyen nak cu, ‘Ani cu kä nami kyih en vai. Kei naw ani ni, a chang gui ni, a khopäng avan cu nang am ka ning pek khai. Heshbon uk ciah Amorit ghangpughang Sihon ah khan ah na bi ah mäih ah na bi vai nei.’

THULÄÄN NAK 2:24

“Moab khaw kami kaan kawn ah Bawipa naw ana pyen nak gui cu tuhbäi ung tün ne Arnon tuinu cu kat vä. Heshbon ung om ciah Amorit ghangpughang Sihon la a khaw ang lät cu nangmi ah huham ah khui ah ka chum pyi nei. Ani cu tu ne a khaw cu tün ne khäm vä.

LAMKTU 13:19

Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

JOSHUA 13:16

Ngami ah khopäng ami m’shawng cu Aroer (Arnon khaw nawi ah kit) la khaw nawi ah ang lung ung om ciah mang gaw, Msdeba khawsang gui avan ah kyak ci.

JOSHUA 13:17

Acun ung Heshbon la khawsang ung om ciah mang gaw avan Dibon, Bamoth, Baala, Beth Baalmeon,

JEREMIAH 48:19

Aroer un om ciah nangmi, lam ung düi ne nami ngäng vai; a u gui ami dawng cu nami ng’shi gui vai, ngami ung a i i ah a kyak cu nami k’tä vai nei.