SUKI GUI 11:11 - Cho Bible Common Language 2016

¹¹ Cun ah kyasei Jephthah cu Kilead ang vai gui awn a täng ah hteit tu sei, chang gui naw ami uktu la ami ng’vai ah k’hmoh ci gui. Jephthah naw ak thäh gui ah mawng cu Mizpah ung Bawipa ah ma pyen ci.

SUKI GUI 11:11 Referans Kwoze

1 SAMUEL 10:17

Samuela naw chang gui cu a täng ah khü gui ne, yum na tängaw Mizpah ung ng’bum sak gui ci.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

SUKI GUI 10:17

Cun yah ung Ammonit gakap gui cu ng’tuk vai ah pawng u ne, Kilead ung phung tu ne om ci gui. Israel chang gui cu ng’bum ne law u ne, Kilead khaw Mizpah ung phung tu ne om ci gui.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

1 SAMUEL 11:15

Cun ah kyasei ami van Gilgal ah hteit u ne, a cu ah theing ciah hmun ung Saul cu ghangpughang ah ng’shäu ba ci gui. Ngami naw hmuh chum-khawihnah nak cu dou thak u ne, Saul la Israel chang avan naw cun ah mawng cu bik ci gui.

JOSHUA 15:38

Dilean, Mizpah, Joktheel,

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

SUKI GUI 11:12

Cun kawn ah Jephthah naw Ammon ghangpughang am chang tüi ne a pyen cu, “A i ang kei mi awn mi ng’cuh vai a om? A i ah kyasei kei ah khawpäng na phlän law ang?”

SUKI GUI 11:29

Cun kawn ah Bawipa ah Mumcha cu, Jephthah ah khan ah gawk lawk ci. Ani cu Kilead la Manasseh zung ah hteit neta, ng’hlat ne Kilead khaw Mizpah ung lawk ci, cun ungka naw Ammon ung hteit ba ci.

SUKI GUI 11:34

Jephthah cu Mizpah a im ah law ba khäta, ahtahnumi cu ani hmu lawk khai ah thing tum ne ng’lam ne lawk ci. Ani cu a hta tumat bang ah kyak ci.

1 SAMUEL 8:21

Samuel naw chang gui ah pyen phung cu ngai neta, hteit ne Bawipa am m’thein ba ci.