SUKI GUI 10:8 - Cho Bible Common Language 2016

⁸ Kilead khaw Jordan tuinu ah a kiangtäng Amorit khopäng ung om ciah Israel gui ami van cu khokum ghalei-cheit ung ngami naw zoshe na ne, k’dukdeiu na gui ci gui.

SUKI GUI 10:8 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

ISAIAH 30:13

Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

SUKI GUI 10:5

Jaira cu sih sei Kamon ung m’cim ci gui.

SUKI GUI 10:7

Cun ah kyasei Bawipa cu Israel gui ah khaw ah m’lungshe neta, Philistin gui la Ammonit gui am tu ne khäm sak gui ci.

SUKI GUI 10:9

Ammonit gui naw Jordan tuinu hnraw kat law u ne Juda, Benjamin la Ephraim pakhui gui cu tu lawk ci gui. Cun ah kyasei Israel gui cu ang htei ah khüikha ci gui.

KHEI NAK 32:39

Manasseh ah hta ng’shon Machira chang gui naw Kilead khaw cu tu u ne, khäm ci gui, acun ung om ciah Amorit gui cu gawt gui ci gui.

SUKI GUI 6:2

Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.