SUKI GUI 10:6 - Cho Bible Common Language 2016

⁶ Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.

SUKI GUI 10:6 Referans Kwoze

2 GHANGPUGHANG GUI 23:13

Jerusalem a kiangtäng la oliv m’htung a htumtäng ung Shemshai-agup gui khawihnah nak vai ah ghangpughang Solomon naw a caw ah sonkiang gui cun phi Josiah naw sheshui sak ci — cun gui cu Sidon khanpughinu Astarte, Moab khanpughi Chemosh, Ammon khanpughi Moleck gui ah kyak ci.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

1 GHANGPUGHANG GUI 11:5

Ani naw Sidon ah Khanpughi hnumi Astarte la Ammon ah shemshai ciah Khanpughi Molek cu khawihnah ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

SAM 106:36

Khanpughi ah chang gui naw a gup cu khawihnah ci gui, a cun naw ngami cu di sak gui ci.

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

SUKI GUI 16:23

Philistin ghangpughang gui cu a täng ah ng’hmu u neta, ami khanpughi Dakon am dämduh ciah khawihnah nak douthak vai ah k’bäi ci gui. Ngami cu, “Kami khanpughi naw kami ga Samson ah khan ah näng ank na pe gui ci nei!” cine ng’äi ci gui.

2 SHONTÄP NAK 28:23

Ani naw amät hnim ci gui ah Sirian gui ah khanpughi gui cu khawihnah ne douthak ci. Ani naw, “Sirian khanpughi gui naw Sirian ghangpughang cu m’htei ci gui. Kei naw ka khawihnah gui ung kei phi na m’htei khai gui” cik ci. Acun naw amät la a pakhui ah khan ah leigai gawk law sak ci.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

1 SAMUEL 5:2

ami Khanpughi Dagon ah pum im kyong ah hteh püi u ne, cun ah a gup pei ah m’düih ci gui.

SUKI GUI 13:1

Israel chang gui cu Bawipa hnung’tuk püi ne sheka ba mä ci gui, cun ah kyasei, ani naw philistine gui am khawkum phlikip uk sak gui ci.

SUKI GUI 6:1

Israel chang gui cu Bawipa hnungtuk püi ne sheka ba mä ci gui. Cun ah kyasei ani naw Midian chang gui am khawkum chih uk sak gui ci.

SUKI GUI 4:1

Ehud a sih kawn ah Israel chang gui cu Bawipa hnu ng’tuk püi u ne, sheka ba ci gui.

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

JOSHUA 13:31

Acun ung Kilead khaw ateih, Bashan khaw, Ok ah uknak ung mang gawnu ah kyak ciah Ashtaroth la Edrei gui k’um ci. Shin gui avan cu Manaseeh ah hta Machir ah ng’shon kyong chang a teih am pek ah kyak ci.

SUKI GUI 10:5

Jaira cu sih sei Kamon ung m’cim ci gui.

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

ISAIAH 23:4

Sidon mang gaw, nang cu na thangshe pyi ci nei! Tuinu la däm ciah tuinu naw nang cu ning nawng neta, a pyen cu, “Kei ung a i yah ung phi hta hmaw gui kä om man ci. Kei a i yah ung phi htapami htahnumi ah kä ka hta man ci.”

EZEKIEL 27:16

Siria chang gui naw nang ah khawh cham gui la na shunta phisak gui cu hleih lawk ci gui. Ngami naw kyünglung, sui m’vo gui, cüche ah sui gui, linen sui k’ni gui, k’toulung la vailung gui cu ning pe lawk ci gui.

THULÄÄN NAK 13:6

“Na phäi nau, na hta pami, na hta hnumi, na m’hni ah nak chu, kä cung na teihpü ni naw nang la nami pupa gui naw phi kä ami khawihnah man ah a hei khanpughi cu nami khawihnah tu vai ah ning tüihtok gui hngaw khai.

THULÄÄN NAK 13:8

Cun ung phi ami ning sükso gui vai ah kä nami om en vai. Kä nami ngaih tu gui bät vai, Chimgen nak la dükdawm nak kä nami m’dang en vai. Kä nami shungvong en gui vai.

SUKI GUI 8:33

Kideon asih kawn ah Israel chang gui cu Khanpughi ung kä bekhüt ba u ne, Baala cu khawihnah ba ci gui. Ngami cu ami khanpughi Baala awn thukhäm bi u ne,

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.