SUKI GUI 1:4 - Cho Bible Common Language 2016

⁴ BAWIPA naw Kanaanit gui la Perizzit gui ah khan ah näng nak pe gui sei, ngami naw Bezek chang phia phya ngawn ci gui.

SUKI GUI 1:4 Referans Kwoze

1 SAMUEL 11:8

Saul naw Bezek ung bum sak gui ci: Israel ung ka chang 300, 000 lawk ci.

1 GHANGPUGHANG GUI 22:15

Ani cu ghangpughang Ahab ah ma ah ng’dang law khäta, ghangpughang naw ng’shik ci, “Mikaiah aw, Ghangpughang Jehoshaphat la kei naw Ramoth cu kani tuk vai ang? Kä kani tuk vai ang? Makaiah naw, “Tu ni ä! Nani näng khai nei. Bawipa naw näng nak ning pe goi khai nei” cik ci.

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

1 SAMUEL 14:10

Ami om nak ah ni hteh vai ami pyen ung, ni hteit khai, a i ah kyasei ci ung cun cu ngami ah khan ah näng nak vai Bawipa naw ana pek goi ah ang dang nak ah kyak khai.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

THULÄÄN NAK 9:3

Cun ung phi tuhbäi nami mät naw nami hmuk khai, Bawipa nami Khanpughi cu mei m’lei ah mäih ah nami ma ung hteit khai nei. Ani naw nami ma ung hnim gui khai nei, cun ah kyasei a shaitak ah mäih ah nangmi naw ng’ghit ah k’täm gui u ne, nami m’di gui khai nei.

THULÄÄN NAK 7:2

Bawipa nami Khanpughi naw shin ah chang gui cu nami huham kyong ah a tha ung, nangmi naw nami hnim gui vai. Avan sih nak nami pek gui vai. Ngami awn ng’gei nak kä nami bi en vai. Ngami chimgein nak kä nami m’dang en vai.

SUKI GUI 1:3

Judah chang gui naw Simeon chang gui am, “Ami na pek guiah khawpäng ah kyong ah keimi awn a tang ah hteit tu vä, Kanaanit gui cu mi tu ghawm khai nei. Cun kawn ah nangmi am ami ning pek gui ah khawpäng ung keimi phi nangmi awn a täng ah kami hteit tu ba khai nei. Cun ah kyasei Simeon Pakhui la Judah gui cu ng’tuk vai ah a täng ah hteit ci gui.

SUKI GUI 1:5

A cu ah ngami naw Adonibezek cu hmu u neta tuk ci gui.

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

SUKI GUI 3:5

Cun ah kyasei Israel chang gui cu Kanaanit gui, Hittit gui, Amorit gui, Perizzit gui, Hivit gui la Jebusit gui ah ng’lung ah khäng ne om ci gui.

SUKI GUI 11:32

Jephthah naw Ammonit gui tu gui khai ah tuinu hei kat sei, Bawipa naw näng nak pek ci.