SUKI GUI 1:21 - Cho Bible Common Language 2016

²¹ Cun ung phi Benjamin pakhui chang gui naw Jerusalem ung om ciah Jebusit gui cu kä k’täm gui hlawt ci gui. Cun ah kyasei Jebusit gui cu om lä u ne, acun ung Benjamin chang gui awn om ghawm lä ci gui. Ephraim la Manasseh pakhui gui naw Bethela cu näng ci gui.

SUKI GUI 1:21 Referans Kwoze

JOSHUA 15:63

Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.

SUKI GUI 1:8

Judah chang gui naw Jerusalem cu tu u ne, khäm ci gui. Ngami naw cun ung chang gui ngawn gui ne, mang gaw phi mei awn m’khih ci gui.

SUKI GUI 1:22

Ephraim la Manasseh pakhui naw Bethela mang gaw cu hteit ne tuk ci gui, cun cu cun yah ung Luz ah ami pyen ah kyak ci. Bawipa naw m’htei gui ci. Ngami naw mang gaw k’täät khai cu tüi ci gui,

1 SHONTÄP NAK 11:4

Ghangpughang David la Israel gui ami van hteit ne Jerusam mang gaw cu tuk ci gui. Cun ah hmun cu Jebus ah ng’mingthang man ci, a cun ah khaw ung om htük ge ciah Jebusit chang gui cu om ba lä ci gui.

SAM 106:34

Ngami naw Bawipa ah thumkhän ah mäih ah kä si u ne; chang pahei gui cu kä ngawn ci gui,

SUKI GUI 1:27

Manasseh pakhui gui naw, Beth Shan, Taanach, Dor, Ibleam, negiddo mang gaw gui la a pei zung ah gawnu gui ung om ciah chang gui cu kä k’täm ci gui; Kanaanit gui cu acun ung om tu gäk gäk ci gui.

1 SHONTÄP NAK 1:14

Kanaan cun phi Jebusit gui, Amorit gui, Kirkashit gui,

1 SHONTÄP NAK 8:28

Shin gui cu ami kyong chang angvai hta ci gui ah ami pupa gui ah kya u ne ami htangshon tung gui cu Jerusalem ung om ci gui.