SUKI GUI 1:20 - Cho Bible Common Language 2016

²⁰ Moses ah thumkhäm ah mäih ah Hebron cu Kaleb am pek ci gui, ani naw Anak ah hta ng’shon pahta thum cu mang gaw ungka naw k’täm gui ci.

SUKI GUI 1:20 Referans Kwoze

SUKI GUI 1:10

Ngami naw Hebron mang gaw ung om ciah Kanaanit gui cu hnu ng’tuk püi ne hteit ci gui, cun cu Kiriath Arba ah khü ci gui. A cu ah Sheshai, Ahiman, la Talmal pahta gui cu ngami naw hnim ci gui.

THULÄÄN NAK 1:36

Jephunneh a hta Kaleb bäng lut khai. Ani cu tuh ä kei ung bekhüt ci. Kei naw ka däät pyi ah khaw cu ani la a htangshon am ka pek khai.’

KHEI NAK 14:24

Cun ung phi ka changshäm Kaleb ung amlung ngaih a hei hnga om ci, ani cu kei ung bekhüt ci, kei naw ani cu ava däät nak te ah khaw ung, ka hteh püi khai, ani ah htangshon naw cun ah khaw cu khäm khai gui.

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

JOSHUA 10:36

Cun kawn ah Joshua la a gakap gui cu Eglon ungka naw khawgui täng ah hang kai u ne, Hebron cu tuk ci gui,

JOSHUA 11:21

Cun yah ung Joshua naw hteit ne chang dämcham pakhui gui cu m’di gui ci. Ngami cu Anakim ah ami pyen gui, khogui khaw ah kyak ciah Hebron, Debira, Anab la Judah la Israel gui ah khogui khaw avan ung om ci gui. Joshua naw chang avan la ami mang gaw gui m’htin ne m’di gui ci.

JOSHUA 14:15

Kä cun pha ung Hebron cu Arba mang gaw ah khü ci gui. (Arba cu Anakim gui ah akdäm pikbäih ah kyak ci.) Cun ah khaw ung tuhbäi dimdeeih nak kä om ci.