SUKI GUI 1:18 - Cho Bible Common Language 2016

^18-19 Bawipa naw Judah chang gui cu m’thei gui ci, ngami naw Khaw-gui khaw cu kanak ci gui. Cun ung phi kaza, Ashkelon, käcung Ekron la angveing zung ah khawpäng gui cu ngami naw kä khäm hlawt ci gui. Shin ah chang gui cu tukam un gang däih ah om ci gui, ngami ung m’sii yatha gui om ci. Cun ah kyasei Judah chang gui naw kä k’täm gui hlawt ci gui.

SUKI GUI 1:18 Referans Kwoze

JOSHUA 11:22

Israel khaw ung Anakim chang a u phi kä om ba ci; cun ung phi Kaya, Kath la Ashdod ung api om ci gui.

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

1 SAMUEL 6:17

Phlistin gui naw ghui ang khe hma cu Bawipa m’cümhnah ne, ami kat ami sah nak ah m’khäh ci gui, Ashdod, Gaza, Ashkelon, Gath la Ekron mang gaw gui, tumat ah phäh ah tumat ciah kyak ci.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

1 GHANGPUGHANG GUI 4:24

Solomon naw Tuinu Euphratis akhei täng khaw avan, Tiphsah Euphratis ah khan ungka naw akhei täng Kaza mang gaw ung khüt sei uk ci. Euphratis akhei täng ung ghangpughang gui ami van cu ani ah ka ung lawk ci gui, ani cu a pei leng ung khawpäng gui ami van awn dimdeeih nak bik ci gui.

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

JOSHUA 15:11

Khawgii cu cun ungka naw hteit ne, Ekron asiip m’htung ung gawk ci, cun ungka ng’hlat ne, Shikero ung hteit ne, Baalah m’htung kaan ne, Jamnia ung khüt ci. Cun cu Mediteranean tuinu ung khüt ci.

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,