SUKI GUI 1:16 - Cho Bible Common Language 2016

¹⁶ Moses ah akawi ah hta ng’shon kenit chang cu Judah chang gui awn a täng ah Jerikho, cankhaw mang gaw ungka naw Judah khaw Arad ah a htum, m’dek kä nik ciah khaw ung lut ci gui. Acu ah ngami cu Amalekit gui ah ng’lung ah om tuk ci gui.

SUKI GUI 1:16 Referans Kwoze

SUKI GUI 4:11

Acun sang ung Kenite chang Heber naw Kedesh ah pei Zanannim ung, m’dum ghing hneit ung phung tu ne om ci. Ani cu Moses ah kawi Hobab ah hta ng’shon, a hei kenite ung ka ng’plon lawk ciah kyak ci.

1 SAMUEL 15:6

Ani naw Kenite chang gui ah ng’thu m’shäk ci, ngami ah pupa gui cu Israel gui Egypt ah ka ami law ba yah ung m’gein tuk ci gui ah kyak ci: “A hei ah hteit vä, Amalek gui hteh ta gui vä, cun ung ngami awn a täng ah kä ka ning ngawn gui khai” cik ci. Cun ah kyasei Kenite chang gui a hei ah hteit ci gui.

THULÄÄN NAK 34:3

Judah khaw a htumtäng Zoar ungka naw Jerikho ungkhüt ciah khawdou, Can ghing guiah om nakmang gaw,

KHEI NAK 21:1

Kanaan khaw ah a htumtäng ghangpughang Arad naw Atharim lam ung Israel chang gui ami law cu ng’ya neta, ani naw tu gui ne, amshah cu k’pang gui ci.

SUKI GUI 3:13

Eglon naw Ammonit gui la Amalekit gui cu ng’dawn püi gui neta, Israel gui tu gui ne, Cantoi manggaw ah ming ciah Jerikho cu khäm ci gui.

SUKI GUI 4:17

Sisera cu Kenite chang Heber ah chu Jael ah phung ah dawng ci, a i ah kyasei ci ung Hazor ghangpughang Jabin cu Heber ah kyong chang awn ng’khawt ci gui ah kyak ci.

JEREMIAH 35:2

Rechabit pahta gui ah om nak ah hteit neta ng’thu püi gui ä. Cun kawn ah Taihü im kyong akhan tumatung law püi gui neta sapyit tui pe gui ä.”

2 SHONTÄP NAK 28:16

Edomit gui naw Judah cu tu law ba mä u ne, chang gui akda pha ne hteh püi u sei, ghangpughang Ahaz naw Assiria uktubawi Tiklath Pileser ah a bawm tu vai ah chang tüi ne k’thäh ci.

1 SHONTÄP NAK 2:15

Ozem la David.

JOSHUA 12:14

Hormah, Arad,

PHYAWN NAK 18:27

Cun kawn ah Moses naw, Jethro cu yavaih na khäta Jethro cu hteit ba ci.

PHYAWN NAK 18:12

Cun kawn ah Jethro naw avan m’khih ne douthak vai la Khanpughi am douthak vai ah khawihnah nak gui cu, law püi ci. Aaron la Israel ng’vai gui ami van cu ani awn a täng ah hteit u ne, ei theing ei ne, khawihnah nak bik ci gui.

PHYAWN NAK 18:7

Moses cu lut law ne, ani cu hmu neta kawp ne ng’ui ci. Ngami cu ami gaw gai ah mawng ng’ce ng’cäk u neta, Moses ah phung kyong ah lut ci gui.

PHYAWN NAK 18:1

Moses ah a bawi Jethro, Midian taigü naw, Egypt ah kaa a law püi ba gui sang ung, Moses la Israel chang gui ah khan ah Khanpughi ah bi gui cu ng’yak ci.

PHYAWN NAK 4:18

Cun kawn ah Moses cu akawi Jethro ah hteit ba neta ani am, “Egypt khaw ah ka mätyah gui ah ka hteit ba hlük ci, ami ghin yah ung ka hmu ba hlü gui ci nei” cik ci. Jethro naw yum ne hteh ba sak ci.

PHYAWN NAK 3:1

Hnüüp ät ung Moses naw akawi Midian taigüpa, Jethro ah htome gui shäm ne a om yah ung, ani cu htome gui hoi ne, kiangma phlän ne, khomhtung theing Sinai ah law ba ci.

MATTHE 3:1

Cun yah ung Tuihnim Johan cu Judea kho bung puk ah dang law ne,

SUKI GUI 1:15

Ani naw, “Kei naw tuilawng gui ka ng’ya hlük ci nei, na na pek ah khaw cu khaw chawng ah kyak ci nei” cik ci. Cun ah kyasei Kaleb naw acho la a hai ung tui m’lawi gui cu pek ci.

1 SAMUEL 27:10

Achish naw ng’shik ci, “Tuhbäi a i ung khüt ne ang nami tuk, nami khä” cine ng’shik ci. David naw, Judah khaw a htum lam Jerahmeela pahta gui ah khaw, kenit chang gui ah om nak ah khaw ung khüt ciah a mawng m’thein tuk ci.

1 SAMUEL 30:29

la Racala ung chang gui; Jerahmeela pahta, Kenit chang gui,

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

JOSHUA 18:21

Benjamin pakhui kyongchang gui naw ami khäm ah mang gaw gui cu; Jerikho, Beth Hok Lah, Emek Keziz,

1 SHONTÄP NAK 2:55

(Ca guk nak la ca kuu nak ung angthei ah bilo thei ciah pahta gui cu Jabez gawnu ung om ci gui: cun gui cu, Tirathit, Shimeathit, la Sucathit gui ah kyak ci. Ngami cu Kenit chang gui, Rechabit gui awn ng’chungla ci gui ah kyak ci.)