SUKI GUI 1:15 - Cho Bible Common Language 2016

¹⁵ Ani naw, “Kei naw tuilawng gui ka ng’ya hlük ci nei, na na pek ah khaw cu khaw chawng ah kyak ci nei” cik ci. Cun ah kyasei Kaleb naw acho la a hai ung tui m’lawi gui cu pek ci.

SUKI GUI 1:15 Referans Kwoze

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

HEBRU 6:7

A khin ung aa ciah kho aa naw m’hlawh sei, lo bik ci gui ah geit thawh sak ciah m’dek ni cu Khanpughi naw m’shumphyuk ci nei.

2 KORIN 9:5

Cun ah kyasei a hei nami taak ah mäih ah nami peit vai na mi nam shei nak vai ah, shin ah phäinau gui tüih law gui ma vai ah hlü ciah ka ngai ci nei. Kei ka gawk law ung nami nam shei pyi ah kyasei, peit vai ah kyasei peit ah kä kyak ciah, yum nak awn peit cu dang khai nei.

1 SAMUEL 25:27

Na bä ni, saza, shin ah ka law püi ah laksawng cu dou vä, na chang gui am pe gui ä.

1 SAMUEL 25:18

Abigail naw ang ghit ah, m’htut pum phia goi, sapyit tui meh vun ng’ip goi ung ak be, htome m’ket pum hma, m’vapüm hlaw phei gha lei chih, sapyit ket soi phia, thei ket htun phia goi cu la ah khan ah taih ci.

ATÜNNAK 33:11

Na bä ni, nang ah hmawk ah ka law püi ah shin gui cu na dou peä, Khanpughi naw a päng küm khai ah kei cu na m’gein ci nei” ci neta Esau naw kä a dou pha a chuih Jakob naw pek ci.

JOSHUA 15:19

Cun ah hnumi naw, “Tui long ah om nak ka ng’ya hlük ci nei. Na na pek ah khawbung cu khaw ng’gau ah kyak ci” cik ci. Kaleb naw akhan tuilong la aka tuilong cu pek ci.

SUKI GUI 1:14

Ani ng’puikhah hnüüp ung Othniela naw ani am apa ah khaw akthäh vai ah pyen nak ci. Ani cu ang sela ung ka kyum law khäta, Kaleb naw a in a ng’ya hlük ci ang cine ng’shik ci.

SUKI GUI 1:16

Moses ah akawi ah hta ng’shon kenit chang cu Judah chang gui awn a täng ah Jerikho, cankhaw mang gaw ungka naw Judah khaw Arad ah a htum, m’dek kä nik ciah khaw ung lut ci gui. Acu ah ngami cu Amalekit gui ah ng’lung ah om tuk ci gui.