SUKI GUI 1:10 - Cho Bible Common Language 2016

¹⁰ Ngami naw Hebron mang gaw ung om ciah Kanaanit gui cu hnu ng’tuk püi ne hteit ci gui, cun cu Kiriath Arba ah khü ci gui. A cu ah Sheshai, Ahiman, la Talmal pahta gui cu ngami naw hnim ci gui.

SUKI GUI 1:10 Referans Kwoze

JOSHUA 14:15

Kä cun pha ung Hebron cu Arba mang gaw ah khü ci gui. (Arba cu Anakim gui ah akdäm pikbäih ah kyak ci.) Cun ah khaw ung tuhbäi dimdeeih nak kä om ci.

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

SUKI GUI 1:20

Moses ah thumkhäm ah mäih ah Hebron cu Kaleb am pek ci gui, ani naw Anak ah hta ng’shon pahta thum cu mang gaw ungka naw k’täm gui ci.

KHEI NAK 13:33

Chang dämghaw gui phi om u sei, kami hmu gui ci. Ngami cu Anak ah ng’shon gui ah kyak ci gui. Ngami ah ma ah mikmi cu khanpeh hlawk ah mi kyak ci” cik ci gui.

ATÜNNAK 23:2

Ani cu Kanaan khaw Hebron gawnu ah si khäta, Abraham cu anghtei ah thüi kyap ci.

ATÜNNAK 37:14

Apa naw, “Na phäi gui ami gai la htome gui ami phyawn ah hteit ne teng neta, na na m’thein law ba vai nei” cine m’cäi ne, Hebron khaw ng’nawi ah ka Shekhem ah a hteh vai ah tüi ci. Joseph cu Shekhem ah gawk ne

JOSHUA 10:36

Cun kawn ah Joshua la a gakap gui cu Eglon ungka naw khawgui täng ah hang kai u ne, Hebron cu tuk ci gui,

SUKI GUI 1:9

Cun kawn ah khaw-gui zung ah om ciah Kanaanit gui, m’htung kem la a htum täng khaw goi ung ngami naw hteit ne tuk ci gui.