SOLOMON NG’Ä~ 4:4 - Cho Bible Common Language 2016

⁴ Na hnügawn cu tänghän ah mäih ah kyak ci, äh awi gui cu shawiphaw phia khak veing ne bah ah mäih ah kyak ci gui, cun gui cu ng’veing ne ng’mi ci gui.

SOLOMON NG’Ä~ 4:4 Referans Kwoze

SOLOMON NG’Ä~ 7:4

Nang ah na hnügawn cu m’uimawng tänghän ah mäih ah kyak ci. Nang ah na mik cu Heshbon mang gaw ung tuili ah mäih ah kyak ci, cun cu, dämduh ciah mang gaw m’kawt pei ah om ci. Na hna cu Damaskas ngäng ne ng’düi ciah Lebanon tänghän ah mäih ah m’hni vai kyak ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

NEHEMIAH 3:19

Jeshua ah hta Ezera, Mizpah uktu naw sehnget im ah ma ung am cawt cu co ne mangpaang kit ah hlah nak ah hmun ung khüt ci.

KOLOSE 2:19

Pumsa ah lukhu ah kyak ciah Bawi Khrit akpan cu, chah ne ng’hlah tak ciah kyak ci. Bawi Khrit ah kut shum nak ah kyong ung pumsa cu ng’ghotai ne, thagui khingthang awn ng’khihkaih kawng ät yawp ci: Cun cu Khanpughi naw adäm ng’gho vai ang yak hlü ah mäih ah däm ng’gho lawk ci.

SOLOMON NG’Ä~ 1:10

Na lusam cu na ng’being ah khan ah kyom ne, na hnü angveing ung vailung ah mäih ah kyak ci nei.

2 SAMUEL 22:51

Khanpughi naw a ghangpughang am näng nak akdäm pek ci; Ani naw kä ng’pyi hlawt ciah m’hni nak cu a ghü ah chang tumat David la a hta ng’shon am ngawi yä m’hnuh ci nei,

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

SAM 144:12

Kami hta gui cu ami nong sangung tü m’tam ciah sing ghing ah mäih ah kya u sä. Kami hta hnumi gui cu mangtung ah mäih ah ng’bi lawk ci gui, mang im ah chuktung ah kyak ci.

SOLOMON NG’Ä~ 7:5

Nang ah na lu cu Karmela m’htung ah mäih ah täu ne om ci. Na lusam sak cu sampai akni ah mäih ah khang ci; a cun ah kyom nak naw ghangpughang phi k’pang hning ci nei.

SOLOMON NG’Ä~ 8:10

Kei cu paang ah ka kyak ci, kei ah ka hluuk phung cu cun ah tänghän ah kyak ci. Kei ah ka m’hni naw hmat ci, ani ung kei naw ngaih gep nak la dimdeeih nak ka gah ci nei.

MIKHAH 4:8

Nang Jerusalem, Khanpughi naw, htoshäm ah mäih ah a chang gui am htei nak ah uknak khaw ah mang gaw ah na kya ba khai, cun cu nangmi ah ka ah kyak ci.