SOLOMON NG’Ä~ 4:3 - Cho Bible Common Language 2016

³ Na m’nei cu asen ih pyai ah mäih lawk ci, Nang na ng’thu law ung cun cu m’hni aih vai kyak ci. Na lushung ah hnu ah na ng’being cu kyom ci.

SOLOMON NG’Ä~ 4:3 Referans Kwoze

SOLOMON NG’Ä~ 6:7

Na ng’being gui cu pava ah shung ah sen ne khang ci.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

JOSHUA 2:18

Shin cu nang naw na bi vai nei. Keimi naw nami khaw kami tuk law ung keini na na yuk chah law nak goi ah m’kawt ung shin ah yih sen cu na yai vai nei. Na nu la na pa ni, na phäi nau gui ni, na pa ah kyong chang gui avan cu na im ung na bum gui vai nei.

HEBRU 9:19

Akhtükbäih ung Moses naw thukhän om ci gui phung cu chang gui-am ng’shäu ne m’thein gui ci. Cun kawn ah me ah si la sei ah si cu la ne tui awn k’caw netah, hissop singban la htomu a sen awn, thukhän ca-uk la chang gui cu k’peh gui ci.

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

SOLOMON NG’Ä~ 7:9

Na m’gawng cu sapyit tui akni pi ah mäih ah kyak ci. Cun ung sapyit tui cu kei ah ka m’hni ah am nei la a ha ah khan ah long sä.

SOLOMON NG’Ä~ 5:13

Ani ah ng’being cu tui ng’ui, papai ng’ui gui awn be ciah u-yin ah mäih ah m’hni vai kyak ci. Ani ah m’nei cu muran tui awn ng’shüi ciah tuili chei ah mäih ah kyak ci.

SOLOMON NG’Ä~ 4:11

Ka m’hni aw, na m’nei cu khoitui ah mäih ah tui ci; nang ah m’lei cu kei ah phäh ah suuk tui la khoi tui ah kyak ci nei. Na suisak gui cu Lebanon tui ng’ui avan ah mäih ah kyak ci nei.

NG'THU K'THUUK~ 31:26

Ani cu cüivai ne ng’awi gi khai ah ng’thu htau ci.

NG'THU K'THUUK~ 10:13

Lunglang cicu akbä ah ng’thu ci, gu ang ci naw m’kyuk nak gah ci.

SAM 119:13

Nang naw na na pek ah na thukhän gui cu ang shawng ah ka pyen ba khai nei.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

SAM 37:30

Changnicu ang thu cüi vai ci, angtäi sei taga ci gui.

EZRA 9:6

Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.

KHEI NAK 19:6

Ani naw cedar-sing, hissop sing toi la pyai asen cu la neta mei ung ak htawm vai.

KHEI NAK 4:8

Ngami naw cun ah khan avan cu sui asen awn ami yuk uk vai. Cun ah khan ah mehvun akni ami yuk tha ba vai. Cun kawn ah kawh nak vai ah htung gui ami m’ghuh vai.

TAIGÜTHUM 14:6

Ani naw kha a hei tumat cu la ne, cedar sing ni, gui sen ni, singlim ni awn a täng ah a ngawn ah kha ah asi ung phung khai.

TAIGÜTHUM 14:4

taigü naw thukbäi khai, theek ciah kha hnih, acun awn a täng ah cedar sing k’peen hta, gui asen la sing lim a law püi vai.

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

SOLOMON NG’Ä~ 1:5

Jerusalem hnumi, kei cu kasa a hmüp ung phi ka kyom ci nei, Kedar khong gau ung phung sham ah mäih ah ka hmüp ung phi, Solomon ah mang im ung yihdung ah mäih ah ka kyom ci nei.