SOLOMON NG’Ä~ 4:1 - Cho Bible Common Language 2016

¹ Ka m’hni aw, nang cu na kyom aih ci nei! Lushung ah hnu ah na mik cu m’hni nak kawn ng’shü ci nei. Na lusam cu Kilead khogui ah kaa kyum lawk ciah me amak ah mäih ah kyak ci nei.

SOLOMON NG’Ä~ 4:1 Referans Kwoze

SOLOMON NG’Ä~ 1:15

Ka m’hni aw, na kyom aih ci nei; Na mik cu m’hni nak awn ng’shü ci nei!

SOLOMON NG’Ä~ 6:5

Na mik cu kei täng ah kä ng’hlah en law püi ä; Cun gui naw kei cu na phak ci gui nei. Na lusam gui cu Kilead khogui ah ka kyum law ne ng’lam ciah me gui ah mäih ah kyak ci.

SOLOMON NG’Ä~ 6:7

Na ng’being gui cu pava ah shung ah sen ne khang ci.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

SOLOMON NG’Ä~ 7:5

Nang ah na lu cu Karmela m’htung ah mäih ah täu ne om ci. Na lusam sak cu sampai akni ah mäih ah khang ci; a cun ah kyom nak naw ghangpughang phi k’pang hning ci nei.

SOLOMON NG’Ä~ 2:14

Nang cu lung k’eep ung ng’thup ciah müm ah mäih ah na kyak ci nei. M’hni aih ah na hmai cu na hmuh sak ä, ng’yak hlü nak aw cu na ng’yak sak ä.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

EZEKIEL 16:14

Nang cu kümbe ciah na kyom nak awn khaw pakhui avan ung na ming thang lawk ci a i ah kyasei ci ung nang ning m’hni aih vai ah ning pyang cicu kei ah kyak ci.” Shin cu Uktu Bawipa ah pyen ah kyak ci nei.

SOLOMON NG’Ä~ 2:10

Ka m’hni naw na ng’htau püi ci nei. Law ä, ka m’hni aw. Kei ah ka m’hni aw, kei awn atäng ah law ä.

SAM 45:11

Nang ah na kyom cu ghangpughang naw m’hni khai nei; Ani cu na bawi ah kyak ci, cun ah kyasei na ngaih vai.

KHEI NAK 32:40

Cun ah kyasei Moses naw Kilead khaw cu Machira pahta gui am pe gui sei, acun ung om ci gui.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.