SOLOMON NG’Ä~ 2:3 - Cho Bible Common Language 2016

³ Kei ah ka m’hni pi cu ahei pami gui awn m’täng ung, bunghmu sing ghing gui ah ng’lung ah htuitui sing awn täng ci nei. Kei cu ani ah ng’hnim ung ka ngaw hlük ci, acun ah m’theih cu ei ung tuui aih ci nei.

SOLOMON NG’Ä~ 2:3 Referans Kwoze

SOLOMON NG’Ä~ 8:5

Am hni ah chang awn kut ng’pang ni ne, Kho ng’gau ah ka shin ah lawk cicu a u ang? Nang ami ning hta nak ah sing theih ghing ka ah, kei naw nang cu ka ning m’tho ci nei.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

ISAIAH 25:4

Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

EZEKIEL 47:12

Tuilawng ah akem päng ung, ei vai ah kyak ciah sing ghing avan cu thou khai gui. Ami hnah gui cu kä ng’yai phung khai, kä ng’düm phung ne m’theih khai gui. Cun gui cu ak cha päng ung ak thieng ah m’theih khai gui, a i ah kyasei ci ung, cun gui cu Taigüim ung ka long lawk ciah tui awn shawi gui ah kyak ci. Cun ah sing gui naw ei vai pek kai gui, ami hnah gui cu chang gui ah gai nak vai ah mang vai ah kyak khai.”

ISAIAH 4:6

Ani ah bämang nak naw mang gaw cu khaw hnüü ling ung g’hnim sak ne, phyawn ciah hmun na pyang ne, khaw kaa la puikhaw ung shungshet khai.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

SOLOMON NG’Ä~ 4:16

A siip ah khokhi, tho law. A htum ah khokhi, ka u-yin ung khi law; khokhi cu tui ng’ui awn be sak ä. Kei ah ka m’hni cu ani ah u-yin ung law ne, a cun ah m’theih akni pi gui cu ei sä.

SOLOMON NG’Ä~ 2:5

Sapyit theih ket awn thagui nak be ne, htuitui theih awn na cimvai sak ci nei! Kei cu cümbawng ne ka tha ken ci nei.

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

SAM 89:6

Bawipa, khankho ah nang ah mäih tumat phi kä om ci; Nang awn täng ciah khankho chang a u kä om ci.

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

SUKI GUI 9:15

Hing-kyam naw, “Kei cu nami ghangpughang ah akcang ah nami na hmoh hlü ah a kyak ung, kei ah hnim ung law ne nami ng’zii law vai. Cun ah kä nami kyak ung ka hlin ban gui ung ka mei lut law ne Lebanon sing gui cu ui yawp khai” cik ci.

SOLOMON NG’Ä~ 1:16

Ka m’hni pikbäih aw, na kyom aih ci nei; na na yei sak aih ci nei! Khu m’kim gui cu mi ih phak ah kyak khai nei;

SOLOMON NG’Ä~ 4:13

a cu ah geit gui tho ci, Ngami cu htale-sing gui abe ah mäih ah tho ci gui, akni pikbäih ah m’theih ci gui. A cun ung tansing la naduh sing gui,

SOLOMON NG’Ä~ 7:13

Nang naw hläih sing gui ah ang ui cu na ng’ya hning khai nei, tuihlim ciah am theih gui avan cu mi m’kawt pei ah om ci nei. Ka m’hni aw, nang ah phäh ah yei vai ah akphyim, akthai cu ka gim ci nei.

SOLOMON NG’Ä~ 8:11

Solomon ung sapyit lo om ci, cun cu Baal Hamon ciah hmun ung ah kyak ci. Cun ah lo ng’vat ne bik ciah lo k’bi gui om ci gui; tumat naw ngui phia gha ci pek ci gui.

SOLOMON NG’Ä~ 8:12

Solomon naw ngui phia gha cu yei ne gah ci, lo bik ci gui naw ami chaw ah ngui phia goi ci gah ci gui; kei ung sapyit lo cu ka mät ah ka ah om ci!

JOEL 1:12

Sapyit ng’shun gui la thei ghing gui cu chawng ci gui; m’theih ciah aghing gui avan chawng ne sik ci gui. Chang gui ah yeikyai nak phi maih ci nei.

SAM 45:3

M’gäi ciah ghangpughang, na khim bah ä; Nang cu bämang ne na hlüngtai ci nei.