SOLOMON NG’Ä~ 1:5 - Cho Bible Common Language 2016

⁵ Jerusalem hnumi, kei cu kasa a hmüp ung phi ka kyom ci nei, Kedar khong gau ung phung sham ah mäih ah ka hmüp ung phi, Solomon ah mang im ung yihdung ah mäih ah ka kyom ci nei.

SOLOMON NG’Ä~ 1:5 Referans Kwoze

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

LUKA 15:22

Apa naw, “Akyang ah shui ne suisak akni m’sui m’sak law vä, kutcüp akni m’hnak law vä, phahnak akni ng’cum law sak vä,

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

SOLOMON NG’Ä~ 5:8

Jerusalem hnumi, shaitak na pe ä kei naw ka m’hni ah chang cu nami hmuh ah akyak ung, kei cümbawng ne ka k’tha aken ah mawng nami m’thein vai nei.

SOLOMON NG’Ä~ 2:14

Nang cu lung k’eep ung ng’thup ciah müm ah mäih ah na kyak ci nei. M’hni aih ah na hmai cu na hmuh sak ä, ng’yak hlü nak aw cu na ng’yak sak ä.

SOLOMON NG’Ä~ 2:7

Jerusalem hnumi, kei ung shaitak ä; kigang la sachou awn ng’taam ä, cun ung nangmi naw keimi ah yum nak kä nami plawh khai.

SAM 120:5

Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

MATTHE 22:11

“Ghangpughang cu khin gui teng gui khai ah law netah, hta m’um nak ung sui vai ah sui kä sui tuk ciah chang tumat cu hmuk ci. Ghangpughang naw, ‘Teihpüi aw, a i ah kyasei, htam um sui sui ne kä ng’bilawh ah na law tu ang?’ cine ng’shik ci.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

EZEKIEL 16:14

Nang cu kümbe ciah na kyom nak awn khaw pakhui avan ung na ming thang lawk ci a i ah kyasei ci ung nang ning m’hni aih vai ah ning pyang cicu kei ah kyak ci.” Shin cu Uktu Bawipa ah pyen ah kyak ci nei.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 60:7

Kedar la nebaioh ah ka htome avan cu, khawihnah nak vai ah nang ah law püi khai gui nei, Bawipa ah zeikiai nak ah sonkiang ung douthak vai nei. Bawipa naw ak Taigü im cu ayanä ah ta bämang pi khai ah bik khai nei.

SOLOMON NG’Ä~ 6:4

Ka m’hni aw, nang cu Jerusalem ah mäih ah na kyom ci, Taia mang gaw ah mäih ah m’hni vai ah na kyak ci, shin ah dämduh ciah mang gaw gui ah mäih ah cäi vai ah kyak ci nei.

SOLOMON NG’Ä~ 4:3

Na m’nei cu asen ih pyai ah mäih lawk ci, Nang na ng’thu law ung cun cu m’hni aih vai kyak ci. Na lushung ah hnu ah na ng’being cu kyom ci.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

KALATIAN 4:26

Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

SOLOMON NG’Ä~ 8:4

Kei ung shai ta ä, Jerusalem hnumi, cun ung kei ah m’hni nak cu kä nami m’shet khai.

SOLOMON NG’Ä~ 3:10

Cun ah tung gui cu ngui awn vook, a hnu täng cu ghui awn pyang ci gui. A cun ah yihdung cu pä awn cüiche ci gui, Cun cu Jerusalem hnumi gui naw m’hni nak awn ami tah ah kyak ci.

SOLOMON NG’Ä~ 3:5

Jerusalem hnumi, kei ung shaitak ä; kigang la sakchou ung ng’tam ä, cun ung nangmi naw keimi ah m’hni nak kä nami plawh khai.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

SAM 90:17

Bawipa kami Khanpughi, na hriham cu keimi ah khan ah gawk law sä. Kami bi nak phung ung näng nak na pe gui ä!

SAM 45:9

Na m’tai kyang ung ng’lamihta gui ah ng’lung ah ka cu, ghangpughang gui ah hta hnumi gui ah kyak ci. Na mang kyang ah k’pat lam ung mangnu ng’düi ci, ani naw Onamen ghui pyü sui awi ci.

ISAIAH 21:16

Cun kawn ah Bawipa naw ana pyen nak cu, “Khokum ät cang ah akyong ung kedara pakhui ah dämduh nak cu ng’pyi khai nei.

EZEKIEL 27:21

Kedar khaw, Arabian uktu gui naw nang ah khawh gui cu htomehtagui, htome gui la me gui awn thawng lawk ci gui.