SOLOMON NG’Ä~ 1:4 - Cho Bible Common Language 2016

⁴ Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

SOLOMON NG’Ä~ 1:4 Referans Kwoze

JOHAN 6:44

a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

HOSEA 11:4

Kei naw ngami cu yum nak la m’hni nak awn ka kaih gui ci. Kei naw ngami cu kaw gui ne ka ng’being pha khai ah ka chang gui ci. Kei naw ngami ah ma ah kawp ne ka m’bei gui ci.

JOHAN 12:32

Kei cu m’dek ungka chang ne k’phäi nak ka gah kawn ah chang avan cu kei ah gawk lawk khai ah ka thäm khai nei” cik ci.

JEREMIAH 31:3

ashou nak ah ka naw ngami ung ka ng’dang ci. Israel chang gui, kei naw angtäi sei ka ning m’hni gui ci, Cun ah kyasei kei naw ng’täi ciah ka m’hni nak cu k’täi ne ka ning m’dang gui ci.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

LUKA 22:19

Cun kawn ah Bawipa Jesuh naw, m’htut cu la ne Khanpughi m’hlüngtai netah, m’htut cu k’bou ne, ang düihpüi gui-am tei gui netah, ‘Shin ah m’htut cu nangmi ah hmawk ah ka k’bou ah ka pumsa ah kiak ci,

LUKA 2:10

Khankho chang naw, “Kä kyikyawk vä, chang avan naw ang htei ah a yeikyai nak vai ah ng’thu Ni cu nangmi ah hmawk ah ka law püi ci nei.

MATTHE 25:10

Kä lunglang ci gui cu yinan hleih khai gui ah ami hteh yah ung chumah khai ah pamihta cu gawk lawk ci. Ana ngäng ge ciah lamihta gui cu ani awn a täng ah hta m’um pawi kyong ah lut u netah shoh cu ak khai shüt ci gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

SOLOMON NG’Ä~ 3:4

Ngami ka hteh tak gui vai am ani cu ka hmuk ci. Kei naw ani cu pang ne kä ka hteh ba sak ci ka nu ah im ka ng’tüi nak ah akhan kyong güt ah ka hteh püi ci.

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

EPHESIAN 2:6

Mikmi cu Bawi Khrit ung mi kawng ät nak awn, sih nak ung ka atäng ah na thawh ba püi gui ne, ani awn a täng ah khankho uk nak vai phi na pe gui ci.

ZEPHANIAH 3:14

Zei ne ng’äi vä, Israel chang gui! Na m’lung kyong avan yeikyai ä, Jerusalem!

SAM 119:60

Kä sho shü ne ang ghit ah na thumkhän läk vai ah ka bik ci nei.

SAM 119:32

Na thumkhän cu kei naw akcang ah ka läk khai nei, A i ah kyasei ci ung nang naw hmuh hmat nak pi cu na na pek khai.

SAM 111:4

Bawipa naw cäicat vai ah a hnünthawh gui cu kä na m’hnih sak gui ci; Ani cu lo’dük nak chimgein nak ah kyak ci.

SAM 63:5

Ka mümcha cu ei vai da ne, kyä khai nei, kei naw yei nak ng’äi m’cu ne ka ning m’taam khai.

SAM 48:9

O Khanpughi, na Taigüim ah kyong ah ng’täi ciah na m’hni nak cu kami ngaih-tüh ci nei.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.