SOLOMON NG’Ä~ 1:3 - Cho Bible Common Language 2016

³ Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

SOLOMON NG’Ä~ 1:3 Referans Kwoze

THUSHÄUTU 7:1

Nik ciah mingthang cu küikyang ciah tui ng’ui ah ta bä pi ci; sih nak hnüüp cu ng’tüi nak hnüüp ah ta bä pi ci.

JOHAN 12:3

Cun yah ung Mari naw ang htei ah a phu küi ciah Naduh tuing’ui awn Bawipa Jesuh ah akho cu hluk netah, alusam awn htuut ne ghu pek ci.

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

SAM 133:2

Cun cu Aaron ah lu ung yuk shawi ung, am khamu ung zu long ne, a suinu k’pei ung gawk ciah m’kui m’to nak ah tui ng’ui ah mäih ah kyak ci nei.

SAM 45:14

Cüi ciah pänsam awn ani cu ghangpughang ah hteh püi ci gui. A hnu ah hnumi hta gui naw läk law ci gui, ngami phi ghangpughang ah ami hteh püi gui.

MATTHE 25:1

“Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

SOLOMON NG’Ä~ 5:13

Ani ah ng’being cu tui ng’ui, papai ng’ui gui awn be ciah u-yin ah mäih ah m’hni vai kyak ci. Ani ah m’nei cu muran tui awn ng’shüi ciah tuili chei ah mäih ah kyak ci.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

NG'THU K'THUUK~ 27:9

Tui ng’ui la tui ng’ui tui naw nami m’lung ning yei sak gui ci, Cun ung phi khüikha nak naw ding gei nak cu m’shet ci.

SOLOMON NG’Ä~ 5:5

Kei naw ani cu loh law sak ge vai ah ka om ci nei. Ka kut gui cu muran tui ng’ui naw küm ci, ka kutpyün gui cu muran tui bäng ah kyak ci. Kei naw m’kawt ka pan law ung a cun ah kyak ci nei.

PHYAWN NAK 33:12

Moses naw Bawipa ah ma ah, “Shin ah chang gui, cun ah khaw ah ka khah püi gui vai ah na na pyen nak cu akcang ah kyak ci. Cun ung phi kei awn kani hteit khai ah a u na tüih cu kä na na m’thein ci. Nang naw kei cu akni ah na na hmat ci, na na yei nak ciah na pyen ci.

SOLOMON NG’Ä~ 6:8

Ghangpughang ung akchu chukkip, akchu ba cheit kip, hnumi hta gui kä khei tai vai om ci!

PHYAWN NAK 33:19

Bawipa naw, “Kei naw ka bäkhäk nak avan cu na ma ah ka hteh sak khai, ka ming theing cu na ma ah ka ng’shäu khai. Kei cu Bawipa nei, ka ghü ah chang am ka m’gein nak la ka m’hni nak cu ka m’dang khai nei.