SOLOMON NG’Ä~ 1:2 - Cho Bible Common Language 2016

² Na ui hnam nak ah na m’nei naw na küm ci; Na m’hni nak cu wine ah ta bä pi ci.

SOLOMON NG’Ä~ 1:2 Referans Kwoze

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

SAM 36:7

O Khanpughi, nam hni nak cu küikyang aih ci nei! Chang ah hta naw na ng’phia hnim cu yii ci gui nei.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

MATTHE 26:26

Bawipa Jesuh naw ang düihpüi gui awn a täng ah mü-ei ami ei yah ung, m’htut cu la ne Khanpughi m’hlüngtai netah, m’htut cu bou ne, “Shin ah m’htut cu kei ah pumsa ah kyak ci, la ne ei vä,” cine ang düihpüi gui-am tei gui ci.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

SOLOMON NG’Ä~ 7:12

Mikmi cu ang dawt ah tho law ne, sapyit ghing gui mi teng kaw, ngami cu ami däm law la kä cun, am guh gui a pai law la kä cun, htale ghing gui ami m’guh law ah mi teng kaw. Acu ah kei naw ka ning m’hni nak cu ka ning pek khai.

SOLOMON NG’Ä~ 7:9

Na m’gawng cu sapyit tui akni pi ah mäih ah kyak ci. Cun ung sapyit tui cu kei ah ka m’hni ah am nei la a ha ah khan ah long sä.

SOLOMON NG’Ä~ 2:4

Ani naw chünla ciah a kyong khui ah na hteh püi ne, kei ah khan ah am hni nak cu thawh sak ci nei.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

LAMKTU 21:7

Keimi cu Tire ungka naw Ptolemais pigaw ah gawk u ngäh sei, yum ciah chang gui naw na dou law gui u sei, a cu ah hnüüp ät kami om tuk ci.

SOLOMON NG’Ä~ 7:6

Nang cu a i hlawk ah müisa ne, a i hlawk ah na kyom ci ang; na m’hni nak ah bä nak cu kümbe ci nei.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

1 PETER 5:14

Tumat la tumat khritha yumhni nak awn ng’ui hnam tu ne, ng’khaih na tu vä. Bawi Khrit ah chang ah nami kyak ciah, nami van ah khan ah dimdeeih nak om sä.

ATÜNNAK 45:15

A phäi gui tumat cicu kyap ne ng’ui gui khäta, a phäi gui naw ng’thu püi ci gui.

ATÜNNAK 29:11

Cun kawn ah Rachelah cu ng’ui neta yei aih ne kyap ci.