SAM 99:9 - Cho Bible Common Language 2016

⁹ Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.

SAM 99:9 Referans Kwoze

LUKA 1:49

A i ah kyasei ci ung hlüngtai säih ciah Khanpughi naw kei ah hmawk ah aküikyang cu bi pyi ci nei. Ani ah Ming cu theingcim ci;

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

SAM 99:5

Bawipa mi Khanpughi cu m’taam vä; A mang kiang ah pei ah khawihnah vä! Ani theingcim ci nei!

SAM 99:3

Chang avan naw dämduh ne hlüngtai ciah aming cu m’taam khai nei. Ani cu theingcim ci nei!

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

SAM 132:7

Mikmi naw, “Bawipa ah im ah mi hteit khai nei; Amang kiang pei ah mi khawihnah khai nei” mi cik ci.