SAM 99:8 - Cho Bible Common Language 2016

⁸ O Bawipa, kami Khanpughi, Na chang gui cu na m’shang gui ci nei; Ami katnak na m’kyuk gui ung phi, m’geinsei ciah Khanpughi ah na kyak cu na m’dang gui ci.

SAM 99:8 Referans Kwoze

KHEI NAK 20:12

Cun ung phi Bawipa naw Moses la Aaron cu k’ceet goi ci. Ani naw, “Israel chang gui ah ma ah theingcim ciah ka huham ng’dang khai ah nami bi nak hning yumnak nangmi ung kä om ci, kei naw ka pek gui vai ah shai ka tak ah khaw ung gawk khai ah nangmi naw lam kä nami shüm hning khai,” cik ci.

SAM 89:33

Cun ung phi David ka m’hni nak cu kä ka pyai sak khai, Ani ung ka shaitak cu kä ka shum sak khai.

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

THULÄÄN NAK 3:26

“Cun ung phi nangmi ah om ah Bawipa naw nam lung she na ne, ana pyen nak cu, ‘Cun cu bä khai nei, shin ah kä pyen en ba ä.

KHEI NAK 20:24

“Israel chang gui am ka pek vai ah ka shaitak nak khaw ung Aaron cu kä lut tuk khai; ani cu si lawk khai, a i ah kyasei ci ung nangni naw Meribah ung ka thumkhän cu nani na hnu ng’tuk püi ci.

PHYAWN NAK 32:2

Aaron naw ngami am, “Nami chu gui, nami hta gui la nami hta hnumi gui naw ami naak ah hnganaak gui cu la neta kei ah nami law püi vai” ciah pyen na gui ci.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.

2 SAMUEL 12:14

Cun ung phi, a i ah kyasei ci ung, nang naw shin ah mäih bi ne Bawipa na thui ng’a sak ah phäh ah na hta sik khai” cik ci.

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.