SAM 99:7 - Cho Bible Common Language 2016

⁷ Ani naw kho ng’mei ng’von ung om ne ng’thu püi gui ci; Ngami naw a thukhän la a thumkhän a pek gui cu ngai ci gui.

SAM 99:7 Referans Kwoze

PHYAWN NAK 33:9

Moses kyong ah a valuh kawn ah khongmei von kya law ne, Phung ah m’kawt khan ah ng’düm ci. Cun kawn ah Bawipa naw khongmei ung om neta, Moses cu ng’thu püi ci.

KHEI NAK 12:5

Bawipa cu khongmei von ung kyum law ne Phung valuh nak ung düi neta khü goi ci, “Aaron! Meriam!” Ngani cu va m’khan ci goi.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

HEBRU 3:2

Moses cu Khanpughi ah im ung a bi lawh nak ung abekhüt ah mäih ah, Bawipacun phi shin ah bi bik khai ah ghü ne m’düih ciah Khanpughi ah ma ah bekhüt ci.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

SAM 105:28

Khanpughi naw ziin ah mü nak cu cun ah kho ah yuk chah lawk ci, cun ung phi Egypt chang gui naw a ng’thumkhän kä ngai ci gui.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

PHYAWN NAK 40:16

Moses naw Bawipa ah thumkhän ah mäih ah avan bi yawp ci.

PHYAWN NAK 19:9

Bawipa naw Moses am, “Khaw ng’mei ng’thong ung nang ah ka lawk khai, chang gui naw ka ning thu püi cu ng’ya tuk khai gui, tuhbäi ung tün ne ning yum khai gui.” Chang gui naw ami m’shan cu Moses naw Bawipa am m’thein ba khäta,

KHEI NAK 16:15

Moses cu ang htei ah m’lungshe neta, Bawipa ah ma ah “Shin ah chang ah law püi ah douthak cu a i phi kä na dou vai. Ngami ah khan ah ka cheishoh nak a i phi kä om ci, kei naw ami ng’sela tumat phi kä ka la man ci.”