SAM 99:6 - Cho Bible Common Language 2016

⁶ Moses la Aaron cu a taigüpa goi ah kyak ci, Samuel cu ani ah taigü ciah kyak ci; Ngami naw Bawipa cu khü u sei, Ani naw m’shang gui ci.

SAM 99:6 Referans Kwoze

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

PHYAWN NAK 15:25

Moses cu m’lung ngaih avan awn Bawipa ah taigü khäta, tui cu awk phyak khai ah kya lawk ci. A cun ah Bawipa naw ami ghin nak vai ah thukhän pe gui neta, m’nüm gui ci.

PHYAWN NAK 14:15

Bawipa naw Moses am, “A i ah kyasei, ning m’htei vai ah na ng’khü ang? Ma lam ah hteh vai ah chang gui m’thein gui ä.

PHYAWN NAK 32:30

A ngawi ung Moses naw chang gui am, “Nangmi naw a kyih she ah shetkat nak nami bik ci, cun ung phi kei naw m’htung ah hang kai ba ne, nami katnak m’geinsei nak gah vai ah Bawipa ah ma ah ka bi ei hning hman khai nei” cik ci.

PHYAWN NAK 17:4

Moses naw Bawipa am lung ngaih avan awn ak taigü cu, “Shin ah chang gui ung a i ka bi hning khai ang? Ngami naw lung awn na vawi ge khai ah pawng ci gui nei.”