SAM 99:1 - Cho Bible Common Language 2016

¹ Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 99:1 Referans Kwoze

SAM 97:1

Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

PHYAWN NAK 25:22

Kei naw a cun ung ka ning hmuk khai, a khüm ah khan, cherubim goi ah ng’lak ung, kei naw ka thukhän gui avan cu, Israel chang gui ah phäh ah ka ning pek khai.

SAM 97:4

Ani ah lailäp naw khomdek khan cu shü ci; khomdek naw a cun hmu neta ng’thüng ci.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

THU PHLAAN 11:17

“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!

THU PHLAAN 6:14

Khankho mik cu ca k’chaw ah mäih ah ng’chaw ne maih ci. Mhtung küi la khawgui avan phi ami om nak ungka ng’nawn yawp ci gui.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

LUKA 19:12

Cun ah kya khätah Bawipa Jesuh naw, “Mang ah hta tumat cu, ghangpughang ah kya law vai netah, akho hei ah a shäng hteit ci.

JEREMIAH 50:46

Babilon ang kyak ah a kyak ung cun ah k’awna khomdek avan thüng sak khai, ami kyah ah k’aw shan gui cu ahei pakhui khaw gui naw ng’yak khai gui.”

JEREMIAH 49:21

Edom angkiak ah a kyak ung k’aw akdäm ah ng’ging sei, khomdek khan cu thüng khai, kyah ah k’aw cu Akaba tui ng’khep güt ah ng’yak vai kyak khai.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

JEREMIAH 4:24

Kei naw khomhtung gui ka teng ci, ngami cu ng’thüng ci gui, khogui gui cu ng’hlet ci gui.

ISAIAH 19:14

Ng’ganggam ciah m’shümthein nak ami pek vai ah Bawipa naw ci gui ci nei. Akhnu ah Egypt naw ang nü cu chei maih khai ah bikci nei cun cu awktat ne kin shüi shüi ne amshah ung ng’hlawk ciah müih ah kyak ci nei.

SAM 96:10

Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”

SAM 18:10

Ani cu Cherubim ng’cum ne zong ne; Khokhi ah ng’phya khan ah hteihton ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

SAM 82:5

“Nangmi cu a i hlawk ah nami awng, a i hlawk ah nami ang ci ang! Nangmi cu nami di yawp ci, Düng nak cu khomdek khan ung ng’kawn ne maih pyi ci.

2 SAMUEL 6:2

Ngami cu Judah khaw, Baalah ah tüi gui ne, Khanpughi ah Thukhän M’küm cu lak sak gui ne, Cherubim gui ah khan ah ngo ciah Hlüngtai ciah Bawipa ah ming awn nami law püi vai cik ci.

1 SHONTÄP NAK 16:30

Khomdek avan ama ah ng’hlet vä! Khomdek cu a hmun ung khäng khai am’düih ah kyak ci, kä ng’nawn hlawt khai nei.

SAM 80:2

Ephraim, Benjamin la Manasseh pakhui gui ah khan ah na mät cu dang sak ä. Na hta gui na m’dang gui ä, law ne na hun gui ä!

SAM 96:9

Theing cim cicu ang dang law ung ama ah kawp yawp vä; m’dek khan avan ama ah ng’hlet ne kyi vä!

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.