SAM 97:7 - Cho Bible Common Language 2016

⁷ A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

SAM 97:7 Referans Kwoze

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

ISAIAH 42:17

A gup gui ngaih u ci gui avan lah, a gup am ami khanpughi ah pyen ci gui cu yuk buh gui vai, thüi ng’aa khai gui.”

TAIGÜTHUM 26:1

Agup, amüi, lungtung, lungpawng gui cu, khawihnah vai ah kä nami pyan vai, kei cu Bawipa nami na Khanpughi nei.

PHYAWN NAK 20:4

“Khankho, khomdek la m’dek ah kaa tui ung om ciah a i ah müi ah mäih ah phi, nami phäh ah a gup kä nami pyan vai.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

THULÄÄN NAK 27:15

“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’

THULÄÄN NAK 5:8

“Khankho, khomdek la m’dek ah ka tuinu ung om ciah a i ah müi ah mäih ah phi nami hmawk ah a gup kä nami pyan vai.

PHYAWN NAK 25:20

Cun ah cherubim goi cu a khüm ah khan ng’man tuk khai goi, kyuu ciah ani ng’phia naw avan küm khai.

1 SAMUEL 5:3

A ngawi ung khaw ngawi hta, Dagon ah a gup cu m’dek ung a hmai yuk m’hleih ne kyu ne, Bawipa ah Thukhän M’küm ah ma ah ng’yän ci. Cun ah chang gui naw m’thou ba u ne, a hmun ung tha ba ci gui.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.