mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.
Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.
Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.
Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.
Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.
Ani naw khankhaw ah ak aw cu ning yak sak gui ci, cun ah kya ne ani naw ning shümthein gui hning ci. Shin ah m’dek khan ung amät ah theingcim ciah mei cu ning hmuh sak gui ci, acun ungka naw ning thu püi gui ci.
“A u hawkcha ah nami hteh hton la khomik pha ne mei ah däi ci la shah ne, hmüp ne, khu ciah mei naw a khüm ah m’htung hneit ung nang düih cu nami hta nau gui am nami m’thein gui vai.
Kei naw hang mang neta a siiptäng ah ka puikho khi law sei ka hmuk ci. Khongmei akdäm ungka kho lai läp ne ng’shü law sei khomik cu ng’veing ne khosing thek ci. Kho laitäp ne adei nak ung kyei ah mäih lawk cicu ng’shü ci,