SAM 97:10 - Cho Bible Common Language 2016

¹⁰ Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

SAM 97:10 Referans Kwoze

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

SAM 145:20

Ani m’hni ciah chang phung cu ani naw shungvong ci, cun ung phi changshe gui cu m’di gui khai nei.

SAM 34:14

Akshe nawng ne, akni nami bi vai; Na m’lung kyong avan nawn tha na ne dim deeih nak na bi vai.

JEREMIAH 15:21

M’ghäm ce ciah chang gui la shekhak ciah huham ungka kei naw ka ning gung khai. Kie, Bawipa naw ka pyen ci.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

2 THESSALONIAN 3:2

Khanpughi naw chang ghingshe gui la chang shekha gui ah tüihtok nak ung anak phiawn gui vai ah nak taigü pe gui vä. A i ah kia sei ci ung chang nüng naw Thu Ni cu kä a yum hmawk ah kyak ci.

NG'THU K'THUUK~ 2:8

Ani naw akni ah om püi ciah chang cu ngäng ne ani ung bekhüt ciah chang ah hteh nak cu üp oi sak ci.

SAM 31:23

Bawipa cu m’hni vä, bekhüt ciah ak chang van naw, Bekhüt cicu Bawipa naw shungvong ci, cun ung phi chang ah ng’shei ci cu, amät ah om m’kyuk ci.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

NG'THU K'THUUK~ 3:7

Na mät na cüivai ciah na mät naw kä na ngaih va, Bawipa cu läk ne akshe cu na hlawi vai.

SAM 125:3

Changshe gui naw chang düng gui ah kho cu, kä uk lä khai gui; Ami uk lä ah a kyak ung chang düng gui naw phi, akshe bi lawk khai gui.

SAM 119:163

Hleeihlak avan cu kei naw thüi na ne ka shemshai ci, cun ung phi na thukhän cu ka m’hni ci.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

ROMAN 7:24

Kei cu ang htei ah kam lung thüi aih ci nei, Kei na sih sak ciah shin ah pumsa ungka a u naw kei cu na hun tuk khai ang!

ROMAN 7:15

Kei naw a i ka bi cu kä ka hmat ci. A i ah kya sei ci ung, kei naw ka bi hlü cu kä bi phung ne, kä ka ng’yak hlü bängbäng cu ka bik ciah kyak ci.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

SAM 119:104

Kei cu thukhän awn ka cüivai lawk ci kya ne, akshe bilawh phung cu ka thüi nak ci nei.

SAM 101:3

akshe cu kä ka hnimgei phung khai nei. Khanpughi ah ng’hlah tak ci gui ah bilawh cu, kei naw ka thüi nak ci nei; kei cu ngami awn kä ka ng’gui ng’pha khai nei.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

SAM 121:7

Bawipa naw kyihkyawk nak phung ung ning shung vong khai; ani naw k’pang ne ning k’piawn khai.

AMOS 5:14

Ngaih na ne akni nak bi vai, akshe kä nami bi vai, cun ung nami ghing khai. Nami pyen nak ah mäih ah Bawipa Khanpughi naw akcang ah ning om püi gui khai.