SAM 97:1 - Cho Bible Common Language 2016

¹ Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

SAM 97:1 Referans Kwoze

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

THU PHLAAN 11:17

“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!

MAKUH 11:10

Gawk lawk khai ah mipa David Ghangpughang ah uknak kho cu yeikyai nak om sä, Khanpughi cu m’hlüngtai vä” cine m’lau ci gui.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

ATÜNNAK 10:5

Ngami cu tui lawng pei ah ng’lei khan ung om ci gui ah kyak ci. Ngami cu Japheth ah htangshon gui, ami mät ah khaw hnga hnga ung ami pakhui phäh phäh ah om ci gui ah kyak ci. Ami mät ah phakhui phäh phäh ung ami ng’thu phi om phäh phäh ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

MATTHE 6:10

Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

MATTHE 3:3

Profet Isaiah naw, “Bawipa ah law nak vai lam pyang vä, Ani ah hmawk ah lam cu düng sak yawp vä, cine, chang tumat bungpuk ah ng’shäü ci nei” a cicu Johan a pyein ah kyak ci.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 51:5

Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.

ISAIAH 49:1

Na ngai vä, a shou nak ah om ciah Pakhui gui, a shou nak ah ka nang chang gui! Kei kä ka hmi pha ung Bawipa naw na ghü ne, a changshäm ah na düih ci.

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

ISAIAH 41:5

“Ashou nak khaw ah om ciah chang gui naw kei naw ka bi cu hmu pyi ci gui; Ngami cu kyi ne, ng’thüng ne ng’hlet ci gui. Cun ah kyasei ami van law ne ng’bum lawk ci gui.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

SAM 2:11

Bawipa cu kyih ne a khuut bi vä; Ng’hlet ne a ma ah kawp vä;

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.