SAM 96:2 - Cho Bible Common Language 2016

² Bawipa am ng’äi m’cu vä, ani cu m’taam vä! Ana hun nak gui ah mawng thu ni cu ak hnüüp tä sei ng’shäu vä.

SAM 96:2 Referans Kwoze

MAKUH 16:15

Bawipa Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

SAM 40:10

Hun nak ah a mawng cu kei naw kä ka gim düt ci nei; Nang ah bekhüt nak la m’hteihtang nak cu angtäi sei ka pyen ci nei. Na chang gui van ah ng’bum nak ung na m’gein nak la na m’hni nak cu kä pyen ne kä ka om ci nei.

ISAIAH 40:9

Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!

SAM 145:1

Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

THU PHLAAN 5:13

Cun kawn ah khankho, khomdek, khomdek ah kaa la tuinu ung la khaw ah kaa, m’dek ah khan ung om ciah akghing ak’om nici naw; “Mang kiang ung ngok ciah Bawimang la Htomehta cu, M’kümtou nak, chang m’sui nak, bämang nak, hlüngtai nak, cu ng’shon päng ung om sä” cine ng’äi ami m’cu cu ka ng’yak ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

SAM 145:10

Bawipa, na tüipyan avan naw ning m’tam khai nei, Na chang gui van naw ning yei nak khai gui nei.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

1 SHONTÄP NAK 29:20

Cun kawn ah David naw chang gui thumkhän gui ci, “Nami Khanpughi Bawipa m’hlümtai vä!” Chang hli ami van naw ami pupa gui ah Khanpughi Bawipa m’hlüngtai ci gui, ngami cu kawp u ne Bawipa m’tamkhah u ne, ami ghangpughang phi m’tamkhah ci gui.

SAM 145:2

A hnüüp tä ka ning yei nak khai nei; kho ng’län ung ka ning m’tam lä khai nei.