SAM 96:10 - Cho Bible Common Language 2016

¹⁰ Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”

SAM 96:10 Referans Kwoze

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

SAM 67:4

Chang pakhui avan yeikyai ne ng’äi m’cu u sä; A i ah kyasei ci ung nang naw dü khai ah na m’khoi m’chak gui ci, khomdek khan ung changpakhui avan lam na m’shüm ci.

SAM 9:8

Ani naw düng nak awn m’dek khan cu uk ci nei; Pakhui cu taga khai ah m’khoichak ci nei.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

KALATIAN 1:16

Cun kawn ah changpakhui hei gui-am A Htapa ah mawng Thu Ni cu kam thein gui khai, kei-am A Htapa cu ana hmu sak ah kyak ci. Cun ah kyasei nam shüm thein tuk khai ah a u phi kä ka ng’shi man ci:

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

SAM 126:2

Mikmi cu a i hlawk ah mi gaih ne, a i hlawk ah yei ne ng’äi mi m’cu ci ang? Chang khuihei gi naw mikmi ah mawng pyen u ne, “Bawipa naw ngami ah hmawk ah a küikyang ah bi bik ci nei” cik ci gui.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

SAM 58:11

Chang gui naw, “Düng ci gui naw m’cümhnah akcang gah ci gui; m’dek khan m’khoi m’chak ciah Khanpughi cu akcang ah om ci nei” cik khai gui.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

SAM 18:49

Cun ah kyasei pakhui van ah ng’lung ung ka ning m’taam ci; m’hlüngtai ne ka ning ng’äi ci.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

SAM 59:13

Na m’lung she nak awn m’di gui ä, ami van m’di gui ä. Cun ung Khanpughi naw, Israel kho a uk la, khomdek khan van m’shawng ne a uk cu hmat khai gui nei.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

SAM 46:6

Chang pakhui gui kyikyawk ci gui, uknak kho gui thüng kyüng ci gui; Khanpughi kho hmum sei, khomdek ng’phiüi ne long ci.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

SAM 9:9

Bawipa cu dukdeiu nak gah ci gui ah ng’yii nak, gein vai yah ung ng’pha nak ah kyak ci.

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”