SAM 95:3 - Cho Bible Common Language 2016

³ Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 95:3 Referans Kwoze

SAM 96:4

Bawipa cu dämduh ci kya sei, ak hlüng pi ah m’taam vä; Ani cu khanpughi gui avan ah khan ah m’taam khah vai kyak ci nei.

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

SAM 135:5

Mi Bawipa cu dämduh ciah kei naw ka hmat ci, khanpughi gui avan ah dämduh pi ci.

SAM 97:9

M’gäi ciah Bawipa, nang cu khomdek avan uktu ah na kyak ci; Nang cu khanpughi gui avan nata, akdäm na hlüngtai pi ci nei.

PHYAWN NAK 18:11

Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.

MATTHE 5:35

Khomdek khü na kä nami ng’phyun vai, khomdek cu Khanpughi ah kho ng’leh nak ah kyak ci. Jerusalem gawnu khü ne kä nami ng’phyun vai, Jerusalem cu ghangpughang ah mang gaw ah kyak ci.

SAM 47:2

Bawipa, A hlüngtai pibäih cu kyih aa vai kyak ci nei; ani cu küikyang ciah ghangpughang, M’dekhan avan uk ciah kyak ci nei.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

JEREMIAH 46:18

Kei cu m’gäi ciah Bawipa, ghangpughang. Kei cu ghing ciah khanpughi. Tabor m’htung cu m’htung gui ah khan ah ang tai ah mäih, Karmela m’htung cu tuinu ah khan ah a hlüng ah mäih ah, tumat ah k’tha mah nak naw ning tuk gui khai.

ISAIAH 44:8

Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”

JEREMIAH 48:15

Moab la amang gaw gui cu m’di pyi ci gui nei; Ami chang nong kyom gui cu ngawn gui ci gui nei, kei, ghangpughang, m’gai ciah Bawipa naw ka pyen ci.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

THULÄÄN NAK 7:21

Cun ah kyasei shin ah chang gui kä nami kyih gui vai. Bawipa nami Khanpughi cu nangmi awn a täng ah om ci. Ani cu dämduh ciah Khanpughi, kyih vai tumat ah kyak ci.

NEHEMIAH 8:6

Ezra naw, “Bawipa m’hlüngtai vä, Dämduh ciah Khanpughi nei!” cik ci. Chang gui ami van naw ami kut shäng neta ami pyen cu, “Amen! Amen!” cun kawn ah ami hmai m’dek ung gawk khai ah kaawp u ne khawihnah ci gui.

SAM 47:3

Chang van ah gui ne; changpakhui van uk vai ah na m’düih gui ci.

SAM 104:1

Ka mümcha, Bawipa cu m’taam ä! O Bawipa, ka Khanpughi, Nang cu na dämduh aih ci nei! Nang cu küikyang nak la bäimang nak na sui awi ci;