Biblia Todo Logo
Bib sou entènèt

- Piblisite -




SAM 95:1 - Cho Bible Common Language 2016

1 Law vä, Bawipa mi m’taam khai! Mi yii ah Khanpughi ah yei ne ng’äi mi m’cu khai!

Gade chapit la Kopi




SAM 95:1
36 Referans Kwoze  

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.


Mi ng’yii nak ah Khanpughi ah yei ne ng’shäu vä; Jakob ah Khanpughi cu ng’äi awn m’taam vä!


Ak ghing om avan naw Bawipa cu m’tam vä! Haleluyah!


Bawipa ghing ci! Na shungvong cicu m’tam nei! Na hun ciah m’gäi ciah Khanpughi ah dämduh nak cu shäu nei.


Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.


Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!


Khomdek chang avan naw Bawip ah ng’äi m’cu vä!


Kei awn atäng ah Bawipa ah küi kyang nak cu ng’shäu vä; Aming cu atäng ah mi m’tam khai ne.


Bawipa cu ng’äi ne m’hlüngtai vä; Ani naw cäicat vai abi gui cu chang gui am m’thein vä.


Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.


Pakhui avan naw mi Khanpughi cu m’taam vä; Nami m’taam nak cu ani naw ng’ya sä.


“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.


Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.


ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.


Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.


Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.


Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.


Bawipa cu m’hlüngtai vä, ani cu nik ci, ani ah m’hni nak cu ng’täi ci nei.


Chang pakhui avan naw Bawipa cu m’taam vä! Chang avan naw m’taam khah vä!


Moses la Israel gui naw shin ah ng’äi cu Bawipa am m’cu ci gui; Bawipa am ng’äi ka m’cu khai, a i ah kyasei ci ung ani naw bä ciah näng nak gah pyi ci. Ani naw ng’se gui la ng’se ng’cum ci gui cu tuinu ung shum gui ci.


Ng’täi ciah am hni nak la ngami ah hmawk ah cäicat vai abi ah phäh ah Bawipa cu m’hlüngtai u sä.


Ng’täi ciah am hni nak la ngami ah hmawk ah cäicat vai gui abi ah phäh ah Bawipa cu m’hlüngtai u sä.


Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.


Ka ng’äi cu bekhüt nak la taga nak ah kyak ci, cun ah ng’äi cu ka ning m’cu ci nei, Bawipa.


Ani naw kei ah ma ah, ‘Nang cu ka pa la ka Khanpughi; ka ng’zi nak la ka hunbawi ah na kyak ci’ cik khai nei.


Cun ah chang 144, 000 gui cu mangkiaang ni, khiküi paphli ni, aghaampa ni gui ah maa ah ng’düi u ne ng’äi ak thai cu m’cu ci gui. Hniciim chang avan ungka ngami bäng cu a ghü gui ah kyak sei cun ah ng’äi cu ngami bäng naw m’cu thei ci gui.


Ngami cu mang gaw ah ami gawk law ung phyungpuuk la phyungheng gui tum u ne Taigüim ah hteit ci gui.


Ka gaa gui ah khan ah näng nak cu ani naw na pek ci nei; pakhui gui cu kei ah ka ah om sak ci,


Swiv nou:

Piblisite


Piblisite