SAM 94:21 - Cho Bible Common Language 2016

²¹ Ngami naw changni cu huut ne hnu na u ne, akat nak kä om cicu m’sih ci gui nei.

SAM 94:21 Referans Kwoze

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

NG'THU K'THUUK~ 17:15

Changnim’kyuk ci la changshe m’hlawt ci — ani nik hnih cu Bawipa naw thui nak ci.

SAM 59:3

Teng vä! Ngami naw na ngawn vai ne, na ngäng ci gui nei; chang gat gui cu ng’bum ne na hnu ng’tuk püi ci gui nei. Cun cu kei naw hma katnak ka bi ah hmawk ah kä kyak ci nei,

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

NG'THU K'THUUK~ 1:11

Avaisü ah ngami naw, “law ä, chang shui ne mi ngawn kaw! Changni cu gaih vai ah ming’tuk püi kaw!

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

1 GHANGPUGHANG GUI 21:19

Kei Bawipa naw ka pyen cu na m’thein vai nei, “Chang ngawn neta ani ah khawcham cu na lak khai ma? Shin ah kei naw ka pyen cu na m’thein vai nei: Naboth ah si ui gui naw ami m’leih nak ah hmun bä bä ung nang ah si cu m’leik khai gui nei!”

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

EZEKIEL 22:6

Israel angvai gui ami van naw ami mät ah thagui ngaih u u ne ngawn sik ci gui.

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

SAM 106:38

Ngami naw cun ah akat nak kä om ciah ak hmaw gui cu ngawn u khäta, kho avan cu chang ngawn ah si awn be ci.

SAM 56:6

Ngami cu ang thuh nak ah ng’bum u ne, kei ah ka bi phung däät ci gui, na ngawn khai gui ah ng’bü ci gui.

2 SHONTÄP NAK 24:21

Ghangpughang Joash cu Zechariah hnungtuk püi ci gui ung ng’dawn tu neta, ghangpughang ah thuk’bäi awn chang gui naw Taigüim hmun kyong ah Zechariah cu lung awn vawi ne ngawn ci gui.

DANIEL 6:8

Cun ah kyasei shin ah thukhän cu, gu ne m’hnüt ne shäu vai nei. Cun cu läk bä bä vai, m’thawng ne kä gah vai ah Medes la Persian gui ah thukhän ah kyak khai nei” cik ci gui.