SAM 94:2 - Cho Bible Common Language 2016

² Nang cu chang van ah suki ah na kyak ci; tho law ne, chang ah ng’shei ci gui ah om ih cu m’cha pe gui ä!

SAM 94:2 Referans Kwoze

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

SAM 31:23

Bawipa cu m’hni vä, bekhüt ciah ak chang van naw, Bekhüt cicu Bawipa naw shungvong ci, cun ung phi chang ah ng’shei ci cu, amät ah om m’kyuk ci.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

MIKHAH 5:9

Israel gui naw ami ga näng ne m’di khai gui.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 37:29

Nangmi ah m’lungshe nak la nami ng’shei nak ah mawng cu kei naw ka gah pyi ci nei, kei naw nang cu na lua ung pyüm awn vüt ne, na m’gawng ng’hling tha neta, na law nak ah lam ung ka ning hlah ba sak khai.”

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ISAIAH 2:17

Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

SAM 74:22

Tho law, Khanpughi, na mät ah mawng cu shung vong ä! Ak hnüüp tä sei changshe gui naw ami ning gaih m’gin cu shüm hmat ä.

SAM 68:1

Khanpughi tho law ne a gaa gui cu k’püi gui ci. Ani gen ciah chang gui cu dawng yawp ci gui.

SAM 50:6

Khan kho naw ng’shäu ne, Khanpughi cu düng ci, ani cu suki ah kyak ci, cik ci.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

SAM 82:8

O Khanpughi, kyum law ne, khomdek khan cu uk law ä; changpakhui avan cu nang ah kaa nei.